LEVI DÂN 22:9 - Pathien Lekhabu Inthieng (BSI)

⁹ Chuleiin, ka thupêk chu an pawm ding a nih, chuong naw chun suol maw chu phurin, anni insukpawrchein thi pal rawi an tih: Kei hi Lalpa anni sukthiengtu chu ka nih.

LEVI DÂN 22:9 ပူးပေါင်းရင်းမြစ်များ

FESUOKNA 28:43

chuong chu Aron le a naupasalhai chun an bun ding a nih, intuokna puon ina an hung lût phain amanih, Hmun Inthienga rawng bâwl dinga maichâm an hung hnai phain amanih, suolna phura an thi nawna dingin. Ama le ama hnunga a thlahai chena khawm hi hi dân nîng a tih.

LEVI DÂN 16:13

Riminhnik khû chun, thuthlungna bâwm chunga, zângaina ṭhungpha chu bâwm dingin, Lalpa hmaah meia chun riminhnik chu phul a tih, chuong naw chun thi rawi a tih.

LEVI DÂN 16:2

Lalpa chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni si a.

LEVI DÂN 18:30

Chuleiin, hieng an thil chîng tirdakumhai hi in chîng ve nawna dingin, thupêk hi in zâwm ding a nih; chuong thilhai chun insukpawrche ngai dêr naw ro: Kei hi Lalpa in Pathien chu ka nih,’ ti rawh,” tiin.

LEVI DÂN 22:16

chuong ang chun, an thil inthienghai fapêkin rîtlona le bawsietna maw an inphurtir ding a ni nawh; Kei hi Lalpa anni sukthiengtu chu ka ni si a,’ ti rawh,” tiin.

NAMBAR 18:22

Tuta chen chu Israel mipuihai chun intuokna puon in an hung hnai ding a ni nawh; suol maw phurin thi rawi an tih.

NAMBAR 18:32

A ṭha tak in thên chu a suol maw phur naw ti niu a, Israel mihai thil inthieng chu sukpawrche naw ti niu a, in thi naw ding a nih,’ ti rawh,” a ta.

MATTHAI 23:17

Nangni mi invêt, mitdelhai, a ieng am a ropui lem a, rângkachak am, Pathien biekin rângkachak sukthiengtu chu?

DÂN PAHNINA 11:1

“Chuleiin, Lalpa in Pathien chu in hmangaiin a thuruothai, a dânhai, a rorêlhai, a thupêkhai chu in zâwm rawp ding a nih.