LEVI DÂN 22:2 - Pathien Lekhabu Inthieng (BSI)

² “Aron le a naupasalhai kuomah hril la, Israel mipuihaiin thil inthieng ka kuoma an inhlân laiin insiekieng raw hai se, ka hming sukse rawi an tih. Kei hi Lalpa ka nih.

LEVI DÂN 22:2 ပူးပေါင်းရင်းမြစ်များ

EZRA 8:28

Chun, an kuomah ka hril a, “Nangni hi Lalpa kuoma inthieng in na, a bûr le bêlhai khawm inthieng an nih; chun, hieng tangka le rângkachakhai hi in thlatuhai Pathien Lalpa kuoma inhâwktaka pêk an ni vawng a nih.

FESUOKNA 13:12

sul hung kêu hmasatak taphawt chu Lalpa ta bîk dingin sie tum i tih. I ran nei tê a pieng hmasatak po po a chal taphawt chu Lalpa ta nîng a tih.

FESUOKNA 28:38

Aron bâwk chunga chun a um ding a na. Aron chun Israel mihaiin thilpêk inthienga an pêk thil inthienghaia suolna um phawt chu phur a tih: Lalpa hmaa pawm a ni theina dingin a bâwka chun a um zing ding a nih.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

EZEKIEL 44:8

Chun, ka thil inthienghai vêng ṭhatna sin chu in kawl naw a, amiruokchu, chu ka hmun inthienga chun in aia ka sinhai kawltu dinghai in ruot lem a.

LEVI DÂN 15:31

“Hieng ang hin Israel mipuihai chu an inthiengnawnaa inthawk chu i sukthieng ding a nih, anni laia ka biekbûk um chu an sukpawrche châng khawma, an pawrchena leia an thi nawna dingin,” tiin.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

LEVI DÂN 19:12

In Pathien hming hrilse dingin ka hming sâlin khêlin in inkhâm ding a ni nawh; Kei hi Lalpa in Pathien chu ka nih.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 21:6

An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

LEVI DÂN 22:1

Lalpa chun Mosie a biek a,

LEVI DÂN 22:32

Chun, ka hming inthieng hi in suksiet ding a ni naw a, Israel mipuihai laia chun chawimawiin ka um ding a nih;

NAMBAR 18:32

A ṭha tak in thên chu a suol maw phur naw ti niu a, Israel mihai thil inthieng chu sukpawrche naw ti niu a, in thi naw ding a nih,’ ti rawh,” a ta.

DÂN PAHNINA 15:19

“In ran ruol dâm, in berâm ruolhai laia pieng hmasatak a chal taphawt chu Lalpa in Pathien kuomah inthiengah in pêk ding a nih; in bâwngchal pieng hmasatak chu sinthawah in sawr ding a ni naw a, in berâm ruolhai laia pieng hmasatak hmul chu in vâw ding a ni nawh.