LEVI DÂN 22:19 - Pathien Lekhabu Inthieng (BSI)

¹⁹ pawm tlâk dingin bâwng amanih, berâm amanih, kêl amanih demkailo a chal in inhlân ding a nih.

LEVI DÂN 22:19 ပူးပေါင်းရင်းမြစ်များ

FESUOKNA 12:5

In berâmte chu a chal kum khat mi, demkailo a ni ding a nih, kêl ruol laia inthawkin, annawleh, berâm ruol laia inthawkin la tum in tih,

LEVI DÂN 1:10

“A thilinhlân chu pumrawhmang thilinhlân dinga ran ruol laia mi, berâm amanih, kêl amanih a ni chun, a chal demkailo ân hlân ding a nih.

LEVI DÂN 1:2

“Israel mihai chu hril la, an kuomah, ‘Nangni laia tukhawmin thilinhlân Lalpa kuoma in inhlânin, ran, bâwng ruol le berâm ruol laia mi, in inhlân ding a nih.

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu Lalpa hmaa pawm a ni theina dingin intuokna puon in kawtkhâr bula chun ân hlân ding a nih.

LEVI DÂN 21:18

Tukhawm demkâi taphawt chun an hung hnai ding a ni dêr nawh; mitdel, kebai, hmai hmêlhem, kut le ke sei taluo dâm,

LEVI DÂN 4:32

“Suol inthâwina dinga a thilinhlâna berâmte a hung chawi chun, a la demkailo a hung chawi ding a nih.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân cha a.

MATTHAI 27:24

Chuongchun, Pilatin iengkhawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nangnîn in thaw thawin thaw ro,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

MATTHAI 27:54

Chun, sipai za hotu le a kuoma Isu vênga um vehai chun, simkhawleihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

LUKA 23:14

an kuomah, “ ‘Mihai a sukkhawhlo,’ tiin hi mipa hi ka kuomah in hung ṭhuoi kha a na; chun, ngai ro, in hma ngeiah ka suosal a, in hêkna thua khan hi mipa chunga hin iengkhawm suol ka hmu naw a nih;

LUKA 23:41

Eini chu ei tuor âwm tak hrim tuor ei nih, ei thilthaw man indiktak hmu ei ni lem; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheilovin mi feltak a ni phawt el,” a ta. Pathien ân pâk ta a.

JOHAN 19:4

Pilat chu a suok nâwk a, an kuomah, “En ta u, iengkhawm a suol ka hmu nawh ti in hrietna dingin in kuomah ka hung ṭhuoi suok hi,” a ta.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

EPHESI 5:27

fainawna kai lo le, zûr lo le, chuong ang thil hrim put lova, inthieng le hmêlhem nawa um lemin, ama kuoma vêk kohran ropui taka a pêk theina dingin.

DÂN PAHNINA 15:21

Nisienlakhawm, ran chu hmêlhemna nei, a ke inbai amanih, a mit indel amanih, hmêlhemna ieng ang khawm nei a ni chun Lalpa in Pathien kuomah inthâwina dingin in hmang ding a ni nawh.

HEBRAIHAI 9:14

Krista, chatuona Thlarau hmêlhem lova Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet si a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.