LEVI DÂN 21:6 - Pathien Lekhabu Inthieng (BSI)

⁶ An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

LEVI DÂN 21:6 ပူးပေါင်းရင်းမြစ်များ

EZRA 8:28

Chun, an kuomah ka hril a, “Nangni hi Lalpa kuoma inthieng in na, a bûr le bêlhai khawm inthieng an nih; chun, hieng tangka le rângkachakhai hi in thlatuhai Pathien Lalpa kuoma inhâwktaka pêk an ni vawng a nih.

FESUOKNA 19:22

Chun, thiempuhai Lalpa hnaia hunghai khawm chu insukthieng raw hai se; chuong naw chun an chungah Lalpa lungninaw rawi a tih,” a ta.

FESUOKNA 28:36

“Chun, rângkachak inthieng phêk siem i ta, a chunga chun hmingnamna kerhai angin, ‘Lalpa TA DINGA INTHIENG,’ ti ker i tih.

FESUOKNA 29:44

Intuokna puon in le maichâm chu sukthieng ka ta, Aron le a naupasalhai khawm chu thiempu sina ka rawng bâwl dingin sukthieng ka tih.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; Lalpa bûr le bêl chawituhai, inthiengtakin um ro.

EZEKIEL 44:7

lungrila sertan lo le tisa khawma sertan lo, hmêlmakhai ka hmun inthienga um ding le, sukpawrche dinga ka in ngeia in hung lâklût leia in tirdakumna hi huntâwk ta raw se; Bei dâm, sathâu dâm, thisen dâm chu in inhlân lai chun, ka thuthlunghai chu in bawsiet a, in tirdakumnahai chu belsa ding chauin.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

LEVI DÂN 18:21

Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

LEVI DÂN 19:12

In Pathien hming hrilse dingin ka hming sâlin khêlin in inkhâm ding a ni nawh; Kei hi Lalpa in Pathien chu ka nih.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 21:17

“Aron kuomah hril la, ‘I thlahai laia an suonlepârhai lai chena demkai taphawt chun, a Pathien fâk ding thilinhlân inhlân dingin hung hnai naw raw se.

LEVI DÂN 21:21

thiempu Aron thlahai laia mi tukhawm demkaina nei chu, Lalpa ta dinga mei hmanga thilinhlân inhlân dingin a hung hnai ding a ni nawh; demkaina nei a na, a Pathien fâk ding thilinhlân chu inhlân dingin a hung hnai ding a ni nawh.

LEVI DÂN 21:23

amiruokchu, demkaina nei a ni leiin, puonzâr bula manih, maichâm hnaia mani chu hung thei naw ni, ka hmun inthienghai sukpawrche rawi a tih; kei Lalpa anni sukthiengtu chu ka ni si a,’ ti rawh,” tiin.

LEVI DÂN 21:8

Ama chu în hlân thieng ding a na, i Pathien ta dinga fâkmi thilinhlân chu ân hlân hlak si a. I ta dinga mi inthieng a ni ding a nih. Kei Lalpa a sukthiengtu cheu hi kân thieng si a.

LEVI DÂN 3:11

Thiempu chun chu chu Lalpa kuoma mei hmanga bu thilinhlân dingin, maichâma chun a raw ding a nih.

NAMBAR 16:5

Kora le a pâwlhai po po kuoma chun, “Zingah zîngkâr Lalpain a tahai le ân thienghai chu suklangin ama va hnai dingin hung tîng a ta, a thlanghai ngei chu ama va hnai dingin tîng a tih.

NAMBAR 28:2

“Israel mihai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.