LEVI DÂN 21:10 - Pathien Lekhabu Inthieng (BSI)

¹⁰ “A unauhai laia thiempu inlal tak, a lu hriek nâlmia nâl tah, silfên bel dinga suktuma um ta chun, a sam chu a thlâiin a put ding a ni naw a, a puonhai a keithlêr ding a ni naw a,

LEVI DÂN 21:10 ပူးပေါင်းရင်းမြစ်များ

INṬANNA 37:34

Chun, Jakob chun a silfênhai a keithlêr a, saiip puon a dierkei a, ni sâwttak a naupa chu a sûn a.

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

ESTHER 6:12

Chun, Mordekai chu lal kul kawtkhâra chun a hung nâwk a. Haman ruok chu a lu inkhumin, lungngaitakin a in tieng a fe ta a.

JOB LEKHABU (THE BOOK OF JOB) 1:20

Chun, Job chu a tho a, a puon a keithlêr a, a lu a vâwkawl a, hnuoi chunga bawkkhupin Pathien chibai a bûk ta a.

INPÂKNA HLABU 133:2

Lua hriek hlutak, Khâkhmula luong thla, Aron khâkhmul ngeia luong thla a, A zakawfuol hmawra luong thla ang kha a nih.

FESUOKNA 29:7

Chun, innâlna hriek lâng i ta, a lu chungah buok i ta, ama chu nâl i tih.

EZEKIEL 24:17

Inthuok huoi la, amiruokchu, inring lovin, mithi ta ding chun sûnna siem naw la, i lukâwm chu kâwm la, i kehaia chun i kekawkhai chu bun la, i hmûrhai chu hup naw la, lusûntuhai bei chu fa naw rawh,” tiin.

LEVI DÂN 13:45

“Inphâr hri invawi chu a puonhai keithlêr nîng a ta, a sam a tlâiin put a ta, a hmûr chungtieng tuom a ta, ‘Inthiengnaw, inthiengnaw,’ tiin a khêk ding a nih.

LEVI DÂN 16:32

Chun, thiempu, a pa aia thiempu ni dinga hriek nâl le, suktuma um chun intlanna siem a ta, puonzai inhmi silfên inthieng chu inbel a ta;

LEVI DÂN 4:3

a suksuoltu chu hriek nâla um thiempu a ni a, mipuihai chungah thiemnaw inchangna ân tlungtir chun, a thil suksuol tah suol inthâwina ding chun, Lalpa kuomah bâwng tuoi demkailo inhlân raw se.

LEVI DÂN 8:12

A sukthiengna dingin hriek nâlmi chu Aron lu chunga chun a bur a, a nâl ta a.

NAMBAR 35:25

pungkhâwmhai chun tuolthattu chu thisen phubalatua inthawk chun hum an ta, pungkhâwmhai chun a tlânna, himna khuoa chun inumtir nâwk an ta, hriek inthienga nâl, thiempu lal a thi hmakhat chun chutaka chun a um ding a nih.

NAMBAR 6:7

A pa hai, a nu hai, a unaupa hai, a farnu hai amanih thi thua khawm ân sukpawrche ding a ni nawh. Pathien ta dinga ân suktumna chun a khuop leiin.

MATTHAI 26:65

Chun, Thiempu Laltak chun a silfênhai a keithlêr a, “Pathien a hrilsiet tah; hretu dang iengdingin am ngai tâng ei ta? Ngai ta u, Pathien a hrilsietzie chu tuhin in hriet tah. Iengtin am in ngai a?” a ta.