LEVI DÂN 21:1 - Pathien Lekhabu Inthieng (BSI)

¹ Lalpa chun Mosie kuomah, “Aron naupasal thiempuhai chu hril la an kuomah, ‘Mi tukhawm mithi leiin an chipuihai lai an insukpawrche ding a ni nawh.

LEVI DÂN 21:1 ပူးပေါင်းရင်းမြစ်များ

EZEKIEL 44:25

Chun, mi thi kâwla chun anni le anni insukpawrche dingin an hung ding a ni naw a, amiruokchu, pa ta dingin amanih, nu ta dingin amanih, naupa ta dingin amanih, naunu ta dingin amanih,unaupa ta dingin amanih, farnu pasal la nei lo ta dingin amanih chun anni chu insukpawrche thei an tih.

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni chunga ding a ni si a; Mizpaa chun châng in ni a, Tabor tlânga lên in zar leiin.

LEVI DÂN 19:28

Mithi leiin in taksa in ât ding a ni naw a, in inṭiel ding a ni bawk nawh; Kei hi Lalpa in Pathien chu ka nih.

LEVI DÂN 21:11

mithi ruong umnaa chun a lût ding a ni naw a, a pa amanih, a nu amani leiin ân sukpawrche ding a ni nawh;

MALAKI 2:1

“Tuhin, aw nangni thiempuhai, hi thutiem hi in ta ding a nih.

MALAKI 2:4

Ka thuthlung chu Levi kuoma chun a um theina dingin, hi thupêk hi in kuomah ka hung pêk a nih ti hre tâng in tih, sipaihai Lalpa chun a tih.

NAMBAR 19:11

“Tu ruong khawm themtu chu ni sari thienglo nîng a tih.

NAMBAR 19:14

“Mi puon inah a thi chun hi hi a dân ding a nih: puon in lût taphawt le puon in sûnga um taphawt chu ni sari thienglo nîng a tih.

NAMBAR 19:16

Tukhawmin khawhnâwma kâwlhnâma that amanih, mithi ruong amanih, mihriem ru amanih, thlân amanih a tâwk chun ni sari thienglo a nih.

NAMBAR 5:2

“Israel mihai chu riebûka inthawkin inphâr po po le thipût po po le mithi leia pawrche taphawt chu sie suok vawng dingin thu pe rawh

NAMBAR 6:6

Lalpa ta dinga ân suktum sûng po chun mithi ruong khawm a hnai ding a ni nawh.