LEVI DÂN 20:6 - Pathien Lekhabu Inthieng (BSI)

⁶ “Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 20:6 ပူးပေါင်းရင်းမြစ်များ

INPÂKNA HLABU 73:27

Ngai ta, nangma hlata umhai chu an bohmang ding a ni si a, A uiret santu taphawt che chu i sukbohmang ta a.

FESUOKNA 22:17

“A pa chun ama chu a pêk nuom dêr naw chun, nunghâk man ang hu tangka a pêk tho ding a nih.

FESUOKNA 22:18

“Dawithiemnu chu a hring i phal ding a ni nawh.

ISAI 8:19

Chun, miin, “Khawhri aisân- thiem zâwl le, dawithiem thûm bul bul le chier hmur hmurhai chu râwn ro,” an ti pha cheu chun hieng ang hin dawn ro; “Mihaiin an Pathien chu an râwn ding a ni lem naw am a nih? Mi hring ta ding chun mithi an râwn ding am a nih?

JEREMIA 44:11

Chuleiin, sipaihai Lalpa, Israel Pathien chun hieng hin a tih: Ngai ta u, Juda po po sât thla ding cheuin, a se tiengah in kuom tieng ka hmai kân nghat cheu a nih.

EZEKIEL 6:9

Chun, nangni laia chuonga suokhai chun, hnamhai sala ṭhuoia an umnahaiah chun mi hre zing an ta, an lungril uire châkna keimaa inthawka ṭhea um ta le, an mithai an milimhai châktaka an enna chun an mi suknatzie hai chu; Chuongchun, an tirdakumna po poa an lo thaw tah, thil ṭhanaw hai lei chun an mithmu ngeia chun intirdak an tih.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

LEVI DÂN 17:10

“Chun, tukhawm Israel sûngkuo laia mi amanih, ram dang mi anni laia khawsa amanih, ieng thisen khawm fa taphawt chu, chu thisen fatu chunga chun ka hmai sukthim ka ta, a chipuihai laia inthawka tuithlârin inumtir ka tih.

LEVI DÂN 19:26

“Ieng sa khawm a thisen pumin in fâk ding a ni nawh. Dawi dâm hmangin aisân dâm in chîng ding a ni nawh.

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi Lalpa in Pathien chu ka nih.

LEVI DÂN 20:27

“Pasal khawm, nuhmei khawm, khawhri aisânthiem amanih, dâwithiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ti rawh,” tiin.

LEVI DÂN 20:5

ka hmai sukthim ka ta, Molek kuoma uire dinga a mi uiretsantuhai po leh an chipuihai laia inthawk sukbohmang ka tih.

NAMBAR 15:39

chu rei chu in en hlak a, Lalpa thupêk po po in hriet zinga in zâwmna ding le nawchizawra in um hlak anga in lungril dit zâwng le in mit la zâwng hnawta in um nawna dingin le,

THILTHAWHAI 16:16

Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.