LEVI DÂN 20:27 - Pathien Lekhabu Inthieng (BSI)

²⁷ “Pasal khawm, nuhmei khawm, khawhri aisânthiem amanih, dâwithiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ti rawh,” tiin.

LEVI DÂN 20:27 ပူးပေါင်းရင်းမြစ်များ

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

FESUOKNA 22:18

“Dawithiemnu chu a hring i phal ding a ni nawh.

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi Lalpa in Pathien chu ka nih.

LEVI DÂN 20:2

“Israel mipuihai kuoma chun, ‘Tukhawm Israel thlahai laia mi amanih, Israel rama khawsa, ram dang mi amanih, mâni rîla rahai a tukhawm Molek kuoma pe taphawt chu sukhlum ngei ding a na, hi rama mihai hin lungin an dêng ding a nih.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 24:14

“Ṭawngsiea inkhâmtu chu riebûk puoah ṭhuoi unla, a hretuhai po po chun a luah an kut innghat hai sienla, mi po po chun lungin dêng raw hai se.

NAMBAR 15:35

Lalpain Mosie kuomah, “Ama chu sukhlum ngei ngei ding a nih, riebûk puoah pungkhâwmhai po po chun lungin an dêng ding a nih,” a ta.

THILTHAWHAI 16:16

Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.

DÂN PAHNINA 21:21

Chuongchun, khuoa mi po po chun lungin an dênghlum ding a nih; chuong ang chun nangni laia inthawk chun thil ṭha naw chu in sukbo ding a nih; chun, Israel mi po po chun hrieng an ta, ṭîng an tih.

1 SAMUEL 28:3

Samuel chu a thi ta a, Israel mihai po poin an ṭa a, ama khuo ngei Rama khuoa chun an phûm ta a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng ta a.