LEVI DÂN 20:26 - Pathien Lekhabu Inthieng (BSI)

²⁶ Ka ta dinga mi inthieng in ni ding a nih; kei Lalpa chu kân thieng si a, ka ta in nina dingin hnam danghaia inthawkin ka suktum ta cheu a nih.

LEVI DÂN 20:26 ပူးပေါင်းရင်းမြစ်များ

NEHEMIA 10:29

an unauhai, an mi lienhai chu an chel tlat a, ṭawngsephur dinga inkhâm rauin thu an tiem a; Pathien siehlaw Mosie pêk Pathien Dân zâwm dinga Lalpa ei Lalpa thupêkhai po po le a rorêlnahai le a thuruothai chu zâwm ve vawng a;

INPÂKNA HLABU 99:5

Lalpa ei Pathien chu chawimawi unla, A ke innghatna bula chun chibai bûk ro, Ama chu ân thieng a nih.

INPÂKNA HLABU 99:9

Lalpa ei Pathien chu chawimawi unla, A tlâng inthienga chun chibai bûk ro; Lalpa ei Pathien chu ân thieng si a.

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭhea kan umna chu keini le i fe ve zingnaa chun a ni naw ding am a nih?” a ti a.

ISAI 30:11

lampui boah fe ro, lampui sîrah pêt ro; Israelhai Mi Inthieng chu kan hmaa inthawk hin sukbo ro,” ti hlaktuhai chu.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

LEVI DÂN 11:44

Kei hi Lalpa in Pathien ka ni si a; chuleiin, insukthieng unla, inthiengin um ro; kei kân thieng si a; hnuoia chêng, bawkinvâk chi a ieng ieng khawma insukpawrche naw ro.

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei Lalpa in Pathien hi kân thieng si a.

LEVI DÂN 20:24

Amiruokchu, nangni kuoma chun, an ram, nênetui le khuoizua luong ram chu hluong in ta, in hluo dingin ka pêk cheu a nih, ka lo ti ta a. Kei hi Lalpa in Pathien, hnam danghaia inthawka suktumtu cheu chu ka nih.

LEVI DÂN 20:7

Chuleiin, insukthieng unla inthiengin um ro; Kei hi Lalpa in Pathien chu ka nih.

LEVI DÂN 20:8

Ka thupêkhai chu in pawmin in zâwm ding a nih. Kei hi Lalpa a sukthiengtu cheu chu ka nih.

DÂN PAHNINA 14:2

Lalpa in Pathien ta dingin hnam inthieng in ni si a, hnuoi chunga hnam po poa ama puol bik ni ding cheuin Lalpain a thlang cheu in nih.

DÂN PAHNINA 7:6

Lalpa in Pathien ta dingin hnam inthieng in ni si a, leilunga hnam po poa inthawk ama chanpuol bîk ni dinga Lalpa in Pathienin a thlang cheu a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

JOSUA 24:19

Josua ruok chun mipuihai kuoma chun, “Lalpa rawng chu bâwl thei naw ti niu, ama chu Pathien inthieng a ni si a; Pathien thîkthusie a na, in bawsietna dâm le in suolnahai chu ngaidam naw ni.

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih:

THUPUONGSUO 4:8

Chun, thilhring pali chu thla paruk seng nei, an pumin an sûng tieng chena mita sip an nih. “Lalpa Pathien Iengkimthawthei, Um ta le, um zing le hung um ding chu, Ân thieng ie, ân thieng ie, ân thieng ie,” tiin sûn le zân an châwl ngai nawh.