LEVI DÂN 20:17 - Pathien Lekhabu Inthieng (BSI)

¹⁷ “Mîn a farnu, a pa naunu amanih, a nu naunu amanih a nei a, a saruokna a hmu a, amanu khawma a saruokna a hmu bawk chun thil inzakumtak a na, an chipuihai thlahai mithmua sukbohmang ding an nih; a farnu saruokna hlîm a na, a rîtlona maw chu phur a tih.

LEVI DÂN 20:17 ပူးပေါင်းရင်းမြစ်များ

INṬANNA 20:12

Chu nâksapah ka farnu a ni hrim bawk a, ka pa naunu a ni a, ka nu naunu ruok chu a ni nawh; chun, ka nuhmei a hung ni tah a nih.

2 SAMUEL 13:12

Ama chun a dawn a, “Ni lo ve, ka ṭapa, mi thawlui naw rawh, Israelhai lai hin hieng ang thil hi thaw ding a ni naw ie, hi thil suol invêtthlâktak hi thaw naw raw khai.

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka tuithlâr nîng a tih,’ tiin,” a ta.

EZEKIEL 22:11

Mi pakhat chun a tuolbâwm nuhmei chunga chun thil tirdakum chu a thaw a; mi dang chun hurtakin a monu chu a sukpawrche bawk a; mi dang chun i sûngah a pa naunu, a farnu chu ân tlâwm bawk a.

LEVI DÂN 18:9

I farnu, i pa naunu amanih, i nu naunu amanih, i piengpui amanih, i piengpui naw amanih saruokna chu i hlîm ding a ni nawh.

LEVI DÂN 20:16

Nuhmeiin ran a va hnai a, ân pâwlpui chun, nuhmei le ran chu in sukhlum ding a nih; sukhlum ngei ding an nih, an thisen maw chu an chunga um a nih.

NAMBAR 5:31

Chuongchun, pasal chu rîtlonaa chun fihlîm a ta, nuhmei chun a suolna maw chu phur a tih,’ ti rawh,” tiin.

DÂN PAHNINA 27:22

“‘A farnu, a pa naunu amanih, a nu naunu amanih zâlpuitu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.