LEVI DÂN 2:15 - Pathien Lekhabu Inthieng (BSI)

¹⁵ Chun, hriek nâl i ta, a chungah beraw i sie ding a nih; chu chu fâkmi thilinhlân a nih.

LEVI DÂN 2:15 ပူးပေါင်းရင်းမြစ်များ

FESUOKNA 29:2

bei, chawl ṭhanglo le beiphêk chawl ṭhanglo hriek pawl le, beiinphân chawl ṭhanglo hriek nâl leh, chuongchu bupui beiphit inditakin i siem ding a nih.

FESUOKNA 30:34

Chun, Lalpa chun Mosie kuomah, “Hieng riminhnikhai, stakte le onikha le galbanam la la; hieng riminhnikhai hi rimtui inthieng leh bûk intluk seng an ni ding a nih.

LEVI DÂN 2:1

“Tukhawmin Fâkmi thilinhlân, Lalpa kuomah thilinhlâna ân hlân pha, a thilinhlân chu beiphit indîtak a ni ding a nih; hriek bur a ta, a chungah beraw khawm sie bawk a tih;

LEVI DÂN 2:14

“Rahmasatak fâkmi thilinhlân Lalpa kuoma în hlân chun, i bu thar hmasataka mi, a vui tharlâma mi ngei sukphitin, meia em hminin fâkmi thilinhlân dingin în hlân ding a nih.

LEVI DÂN 2:16

Thiempu chun, bu sukphita hrietzingna chanpuol le hriek a ṭhen le beraw po po le chun a râw ding a nih; chu chu Lalpa ta dinga mei hmanga thilinhlân a nih.

LEVI DÂN 5:11

Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

NAMBAR 15:4

Lalpa kuoma thilinhlân inhlântu taphawtin beiphit thilinhlân, beiphit indi mi epha hmun sâwma ṭhea hmun khat, hriek hin hmun lia ṭhea hmun khata hmet an inhlân ding a nih.