LEVI DÂN 2:14 - Pathien Lekhabu Inthieng (BSI)

¹⁴ “Rahmasatak fâkmi thilinhlân Lalpa kuoma în hlân chun, i bu thar hmasataka mi, a vui tharlâma mi ngei sukphitin, meia em hminin fâkmi thilinhlân dingin în hlân ding a nih.

LEVI DÂN 2:14 ပူးပေါင်းရင်းမြစ်များ

INṬANNA 4:3

Chun, a nakie chun hieng ang hi a na, Kaina chun Lalpa kuoma inhlân dingin a lo hmasuokhai a hung lâk a.

2 LALHAI 4:42

Chun, Baal-salisaa inthawkin mi pakhat a hung a, Pathien mi chu ra hmasa bei, buṭei bei sâwmhni le bu thar vui a ipin a hung chawipêk a. Elisa chun, “An fâk dingin mipuihai kha pe rawh,” a ti a.

LEVI DÂN 2:15

Chun, hriek nâl i ta, a chungah beraw i sie ding a nih; chu chu fâkmi thilinhlân a nih.

LEVI DÂN 2:16

Thiempu chun, bu sukphita hrietzingna chanpuol le hriek a ṭhen le beraw po po le chun a râw ding a nih; chu chu Lalpa ta dinga mei hmanga thilinhlân a nih.

LEVI DÂN 22:29

Lâwmthu hrilna inthâwia Lalpa kuoma in inthâwi pha, pawm tlâk in ni theina dingin in inthâwi ding a nih.

LEVI DÂN 23:10

“Israel mipuihai chu hril la an kuomah, ‘Ram ka pêk cheu chu in va tlung a, chutaka chun bu dâm in sîk pha chun, in ra hmasaa mi buphal pakhat chu thiempu kuomah in hung chawi ding a nih.

LEVI DÂN 23:13

Chutaka fâkmi thilinhlân chu beiphit inditak epha hmun sâwma ṭhea hmun hni hrieka hmet Lalpa ta dinga rim inhniktak, mei hmanga thilinhlân a ni ding a nih; chun, chutaka dâwnmi thilinhlân chu uoin hin hmun lia ṭhea hmun khat a ni ding a nih.

LEVI DÂN 23:20

Thiempu chun siem hmasak tak bei chu berâmte pahni le chun, Lalpa hmaa thêna thilinhlân dingin thên a ta; chuonghai chu Lalpa ta dinga inthieng thiempu chanpuol nîng a tih.

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

NAMBAR 28:2

“Israel mihai chu thu pe la, an kuomah, ‘Ka bu ka ta dinga riminhnik meia thilinhlân, ka kuoma thilinhlân chu a hun tak peiah in inhlân ding a nih,’ ti la.

1 KORINTH 15:20

Nisienlakhawm, Krista chu mithi laia inthawkin keithoin a um tak zet a nih, a inhai tho hmaṭhuoitu a lo ni tah.

DÂN PAHNINA 26:2

Lalpa in Pathienin a pêk cheu in ram leilung ra hmasatak senghai chu hung lâng in ta; bâwmah sieng in ta, Lalpa in Pathienin a hming inumtirna dinga a la ruot dinga chun in fe ding a nih.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.