LEVI DÂN 19:37 - Pathien Lekhabu Inthieng (BSI)

³⁷ Chun, ka thupêkhai po po le ka rorêlhai po po chu zâwmin in thaw ding a nih: Kei hi Lalpa chu ka nih,’ ti rawh,” tiin.

LEVI DÂN 19:37 ပူးပေါင်းရင်းမြစ်များ

2 LALHAI 17:37

chuongchun, thuruot dâm, rorêl dâm, dân dâm, thupêk dâm a lo inziekpêk ta cheu kha kumkhuoin in pawm zing ding a na; pathien danghai chu in ṭi ding a ni nawh,

INPÂKNA HLABU 119:34

Hrietthiemna mi pe la, chuongchun, i dân chu ka vawng ṭha ding annâwm, Anih, ka lungril po po hin zâwm ka tih.

INPÂKNA HLABU 119:4

Nangin i thununna thuhai chu thupêkin i mi pêk a, Ṭhahnemngaitaka kan zâwm theina dingin.

LEVI DÂN 19:19

“Ka thupêkhai in pawm ding a nih. I ran chu chi tum tum inthlatir naw rawh; i loah thlaichi chi hni chîng naw la, thil chi hni khâwng pawl puon i sil ding a ni bawk nawh.

LEVI DÂN 19:36

Khâina indiktak, bûkna indiktak, epha indiktak, hin indiktak in nei ngei ding a nih: Kei hi Lalpa in Pathien, Aigupta rama inthawka ṭhuoi suoktu cheu ka nih.

LEVI DÂN 20:1

Lalpa chun Mosie a biek a,

LEVI DÂN 22:31

“Chuleiin, ka thupêkhai hi in pawmin in zâwm ding a nih: Kei hi Lalpa chu ka nih.

DÂN PAHNINA 5:1

Chun, Mosiein Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

DÂN PAHNINA 8:1

“Dama in um a, in hung pung pei a, pêk ding cheua in pi le puhai kuoma Lalpain ṭawng ân khâmna ram chu in va hluo theina dingin thupêk vawisûna ka pêk cheu hi zâwm dingin in fîmkhur ding a nih.