LEVI DÂN 19:34 - Pathien Lekhabu Inthieng (BSI)

³⁴ Ram dang mi nangni laia khawsahai chu in ta dingin a ram mi ang hrim an ni ding a nih; nangma i înhmangai angin i hmangai ding a nih; nangni khawm Aigupta rama khan ram dang mi in ni kha: Kei hi Lalpa in Pathien chu ka nih.

LEVI DÂN 19:34 ပူးပေါင်းရင်းမြစ်များ

INPÂKNA HLABU 146:9

Lalpa chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

FESUOKNA 22:21

Mikhuol chu indiknawtakin i thaw ding a ni naw a, i suknawmna ding khawm a ni nawh; nang khawm Aiguptaah mikhuol i ni ta kha.

EZEKIEL 47:22

Chun, in ta dinga rochan ding le, nangni laia mikhuol pêm um vehai nau le tê nei tahai ta ding chun ṭhum vâwrin sem in ta; Israel thlahai laia chun anni chu a ram mi ang bawk nîng an tih; Israel hnamhai lai chun nangni leh rochan chu an chang ve ding a nih.

LEVI DÂN 19:18

Phuba i lâk ding a ni naw a, i chipuihai theidâna i pâi ding a ni bawk naw a, nang le nang în hmangai angin i tuolbâwm chu i hmangai ding a ni lem: Kei hi Lalpa chu ka nih.

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi Lalpa in Pathien chu ka nih.

NAMBAR 10:32

Keini leh i fe ve chun, Lalpain thil ṭha a mi thawpêk ang peiin thawpêk vêng kan ti che,” a ta.

MATTHAI 5:43

“ ‘I vênghai hmangai la, i hmêlma theida rawh,’ an tih ti in hriet tah.

DÂN PAHNINA 10:19

Chuleiin, ram dang mihai chu hmangai ve ro; nangni khawm Aigupta rama khan ram dang mi in ni kha.

DÂN PAHNINA 23:7

“Edom mihai chu in thîm ding a ni nawh, in unauhai an ni si a; Aigupta mihai chu in thîm ding a ni nawh, an rama chun in va mikhuol ta leiin.

DÂN PAHNINA 23:8

An thlahai chu suon thumnaa inthawkin Lalpa mihai pungkhâwmhai laia chun an ṭhang ding a nih.

RUTH 2:10

Chun, ama chu a kûn a, hnuoi sikin a bawkkhup a, a kuomah, “Hnam dang ka ni si a, hienga i mi lo hriet nuoma i mi lo lunginsiet hi iengtizie am a ni leh?” a ti a.