LEVI DÂN 19:33 - Pathien Lekhabu Inthieng (BSI)

³³ “Ram dang mi in rama khawsa ve an um chun in sukse ding a ni nawh.

LEVI DÂN 19:33 ပူးပေါင်းရင်းမြစ်များ

FESUOKNA 22:20

“Lalpa ti chau lo pathien dang hrim hrim kuoma inthâwi chu sukbohmang dêr nîng a tih.

FESUOKNA 22:21

Mikhuol chu indiknawtakin i thaw ding a ni naw a, i suknawmna ding khawm a ni nawh; nang khawm Aiguptaah mikhuol i ni ta kha.

FESUOKNA 23:9

Hnam dang chu i nêksâwr ding a ni nawh; nangni khawm Aigupta ramah hnam dang in ni kha hrein, hnam dang lungril chu in hriet si a.

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

EZEKIEL 22:29

Chu ram mipuihai chun nêksâwrna an hmang a, inrûk an chîng bawk a; anih, tlasamhai le mi rimsihai chu an suklungngai a; mikhuol chu indik lotakin an nêksâwr a.

EZEKIEL 22:7

I sûnga chun nu le pa chu hmusitin an um a; i sûnga chun mikhuolhai chu nêksâwrin an sawisa a; i sûnga chun pa neilohai le hmeithai chu an sukkhawhlo ta a.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

DÂN PAHNINA 24:14

“In mi ruoi, mi rimsi le tlasamhai chu in unau amanih, in ram in umnaa um ram dang mi amani khawm ni sienla, in nêksâwr ding a ni nawh.

DÂN PAHNINA 24:17

Ram dang mihai le pa nei lohai ro chu indik nawtakin in rêlpêk ding a ni naw a, hmeithai puon chu banda dingin in lâkpêk ding a ni bawk nawh.

DÂN PAHNINA 24:18

Nangni khawm Aiguptaa khan suok in ni ta a, Lalpa in Pathienin chutaka inthawk chu ân tlan cheu a nih ti in hriet zing ding a nih; chuong lei chun a nih hieng thil hi thaw dinga thu ka pêk cheu chu.

DÂN PAHNINA 27:19

“‘Ram dang mihai, pa nei naw hai, hmeithaihai ro indiknawtaka rêlpêktu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.