LEVI DÂN 19:30 - Pathien Lekhabu Inthieng (BSI)

³⁰ Ka châwlnihai chu in inser ding a na, ka hmun inthieng chu in inza ding a nih: Kei hi Lalpa in Pathien chu ka nih.

LEVI DÂN 19:30 ပူးပေါင်းရင်းမြစ်များ

2 CHANCHIN SUINA 33:7

Chun, milim kerṭielhai, ama siem chu Lalpa ina chun a sie a; chu chungthua chun Pathien chun David le a naupa Solomon kuoma chun, “Hi ina le Jerusalema khawm, Israel hnam po po laia inthawka ka thlang suoka hin, kumkhuoa dingin ka hming chu sieng ka ta,

2 CHANCHIN SUINA 36:14

Chu nawa khawm chun, khawhri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema Lalpa in a sukthieng ta chu an sukpawrche ta a.

INPÂKNA HLABU 89:7

Mi inthienghai inrâwn khâwmnaa Pathien ṭiumtak, A kâwlvêla mi po po nêka ṭitak ding chu tu am a um leh?

FESUOKNA 20:8

Châwlni chu vawng inthieng dingin hre zing rawh.

THUHRILTU 5:1

Pathien ina i fe pha chun i ke vêng ṭha rawh, invêthai inthâwina inhlân nêk chun ngai dinga va hnai chu a ṭha lem si a; thil ṭha naw an thaw ti an hriet si naw a.

EZEKIEL 9:6

putarhai, tlangvâlhai, nunghâkhai, naupangtêhai, nuhmeihai chu that fairêt rawh; amiruokchu, mi a chunga inchikna um chu hung hnai naw la; chun, ka hmun inthienga chun ṭan rawh,” tiin. Chun, biekin tuola um mi upahaia chun an ṭan ta a.

LEVI DÂN 10:3

Chuongchun, Mosie chun Aron kuomah, “Hi hi a nih Lalpain, ‘A mi hnaituhaia chun inthiengin inlang ka ta, mipui po po hmaa chun chawimawiin um ka tih,’ tia a hril kha,” a ti a. Aron chu a to zing a.

LEVI DÂN 15:31

“Hieng ang hin Israel mipuihai chu an inthiengnawnaa inthawk chu i sukthieng ding a nih, anni laia ka biekbûk um chu an sukpawrche châng khawma, an pawrchena leia an thi nawna dingin,” tiin.

LEVI DÂN 16:2

Lalpa chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni si a.

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi Lalpa in Pathien chu ka nih.

LEVI DÂN 26:2

Ka châwlnihai chu inser in ta; ka hmun inthieng chu in inza ding a nih: Kei hi Lalpa chu ka nih.

MATTHAI 21:13

an kuomah, “ ‘Ka in chu ṭawngṭaina in tîng an tih,’ ti ziek a na, nangni ruok chun suomhmanghai pûkin in siem lem hlak a nih,” a ta.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni si a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.

1 PETER 4:17

Rorêlna chu Pathien sûnghaia hin ṭan a hun ta si a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?