LEVI DÂN 19:26 - Pathien Lekhabu Inthieng (BSI)

²⁶ “Ieng sa khawm a thisen pumin in fâk ding a ni nawh. Dawi dâm hmangin aisân dâm in chîng ding a ni nawh.

LEVI DÂN 19:26 ပူးပေါင်းရင်းမြစ်များ

INṬANNA 44:5

Kha kha ka pu uoin dâwnna le ṭhumvâwrna ngei a ni naw am a nih? hieng ang in thaw hi in thaw suol a nih,’ ti rawh,” a ti a.

INṬANNA 9:4

Amiruokchu, sa a hringna (a thisen) pumin in fâk ding a ni nawh.

2 LALHAI 17:17

Chun, an naupasalhai le an naunuhmeihai chu meiah an inlûttir a, aisân le dawi dâm an chîng a,Lalpa suklungsenna dingin a mithmua thil ṭha nawtak thaw dingin an inzawr a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

2 CHANCHIN SUINA 33:6

Hinnom naupa ruoma chun a naupasalhai chu meiah ân hlân a; aisân a hmang a, zâwldiaihai a hmang a, dâwi a hmang bawk a, thlarau zâwlhai a ruoi bawk a, thiemrauhai leh; Lalpa mithmua chun thil suol nasatak el ama chu suklungsen dingin a thaw ta a.

FESUOKNA 7:11

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve ta a.

FESUOKNA 8:7

Chun, aisânthiemhai khawm chun an dawi hmangin chuong ang tak chun an thaw a, Aigupta ram chunga chun uṭawkhai chu an hung suok ve a.

JEREMIA 10:2

Lalpa chun hieng hin a tih: Hnamhai lampuihai chu inchûk naw la, chungtienga inchiknahaia chun lunginzîng el bawk naw rawh, hnamhai chu chuonghaia chun an lunginzîng hlak si a.

DANIEL 2:10

Kaldai mihai chun lal chu an dawn a, “Hnuoi chung hrim hrima hin lal chungchâng thu hi ân entir thei ding tukhawm an um nawh: chuleichun, lal khawmin, laltak khawmin, rorêltu khawmin hieng ang thil hi mitvaidawithiemhai amanih, aisânthiemhai amanih, Kaldai mihai kuoma mani khawm an indawn ngai hrim hrim nawh.

LEVI DÂN 19:25

A kum nga kum ruok chun, in ta dinga a pung pei theina dingin a ra chu in fâk ding a nih: Kei Lalpa in Pathien chu ka nih.

LEVI DÂN 3:17

Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.

LEVI DÂN 7:26

In umna taphawta chun thisen hrim hrim, vate amanih, ramsa amanih thisen chu in fâk ding a ni nawh.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

THILTHAWHAI 15:20

milim biekna thil inthiengnaw fâk dâm, indit dâm, sa râkhlum le thisen fâk dâm bân dingin an kuomah ziek lem inla ka ti tak a nih.

DÂN PAHNINA 12:16

A thisen ruok chu in fâk ding a ni nawh; tui angin hnuoiah in bunthlâk ding a nih.

DÂN PAHNINA 12:23

Thisen ruok chu fa lo dingin fîmkhur ro, thisen chu hringna a na, hringna pumin sa chu in fâk ding a ni nawh.

DÂN PAHNINA 15:23

A thisen ruok chu in fâk dêr ding a ni nawh, tui angin hnuoiah in bunthlâk el ding a nih.

1 SAMUEL 14:32

Chuongchun, mipuihai chun an râllâk thilhai chu a bawin an baw a, berâmhai, bâwngchalhai, kêltehai an man a, hnuoia chun an sukhlum a, mipuihai chun a thisen pumin an fâk el ta a.

1 SAMUEL 14:33

Chuongchun, “Ngai ta, mipuihai chun thisen puma fain Lalpa chungah thil an suksuol tah,” tiin, Saula chu an hril a. Chun, ama chun, “Ringmawumtakin thil in thaw a nih, lung lientak mi hung inhlumpêk ro,” a ta.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. Lalpa thu i dit naw leiin ama khawma lal dingin a dit bîk ta naw che a nih,” a ta.