LEVI DÂN 19:23 - Pathien Lekhabu Inthieng (BSI)

²³ “Ram chu in va hluo a, fâk dinga theikûng chi tinrêng in phun pha chun, a ra chu in ta dinga thiengnawah in ngai ding a nih; in ta dingin kum thum sûng chu inthieng nawa ngai ding a na, fâk dêr lo ding a nih.

LEVI DÂN 19:23 ပူးပေါင်းရင်းမြစ်များ

FESUOKNA 6:12

Mosie chun Lalpa kuomah, “Ngai ta, Israel mihai chun ka thu an ngai si naw a, iengtin am Pharao chun kei hmûr themthiemlotak thu hi ngai a ti leh?” a ti a.

FESUOKNA 6:30

Mosie chun Lalpa kuomah, “Ngai ta, kei chu hmûr themthiemlotak ka ni a, Pharao chun iengtin am ka thu ngai a ti leh?” a ti a.

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

LEVI DÂN 12:3

A ni riet ni chun a naupa ser hmawr vun chu tan ding a nih.

LEVI DÂN 14:34

“Hluo dinga ka pêk cheu Kanaan ram in hluo pha, in hluo ding rama in khawlaia khawm inphârna hri ka sie chun,

LEVI DÂN 19:22

Chun, a thil suksuol taa bawsiet inthâwina dingin thiempu chun berâmchalin Lalpa hmaah intlanna siempêk a tih; chuongchun, a thil suksuolnaa chun ngaidam nîng a tih.

LEVI DÂN 19:24

Amiruokchu, a kum li kum chun a ra po po chu suktum ding a ni a, Lalpa inpâkna thilinhlân ding a nih.

LEVI DÂN 22:27

“Bâwngchal amanih, berâm amanih, kêl amanih a hung piengin, a pui kuomah ni sari a um ding a nih; ni riet nia inthawka hnung tieng chun Lalpa kuoma mei hmanga thilinhlânah pawm thei nîng a tih.

LEVI DÂN 23:14

In Pathien ta dinga thilinhlân chu in inhlân hmakhat, chu ni tlung hmakhat chun, bei amanih, bu zêu amanih, a vui tharlâm amani khawm in fâk ding a ni nawh; hi hi in chêngna taphawtah in thlahai chena kumkhaw dân ding a nih.

THILTHAWHAI 7:51

“Mi kâwmawhai, lungril le naa sertanlohai, in thlatuhaiin an thaw hlak ang khan, Thlarau Inthieng chu in dodâl kumkhuo a nih.