LEVI DÂN 19:16 - Pathien Lekhabu Inthieng (BSI)

¹⁶ I chipuihai lai mihai hêkin în vâk vêl ruoi ding a ni naw a, i tuolbâwm thisen thuah a ni naw zâwngin i ṭhang ding a ni bawk nawh; Kei hi Lalpa chu ka nih.

LEVI DÂN 19:16 ပူးပေါင်းရင်းမြစ်များ

JOB LEKHABU (THE BOOK OF JOB) 17:5

Hlâwkna dinga ruolhai thlauthlatuhai chu, A nauhai mithai ngei khawm chu la hlawsam a tih.

INPÂKNA HLABU 101:5

Tukhawm a vênghai arûka rêl taphawt chu, chu mi chu sukbohmang ka tih, Mit insâng le lungril chapo put mi chu ngaithei naw ning.

INPÂKNA HLABU 15:3

A leia mi rêl ngailo, A ruol chunga khawm thil suksuol ngailo, A vênghai hming khawm hrilse ngailo mi chu.

INPÂKNA HLABU 50:20

Ṭhungpumin i unau i sawisêl a, Mâni nuhai naupasalhai ngei chu i hêk hlak.

FESUOKNA 20:16

I vênghai chungah hrietpuina inkhêl i hril ding a ni nawh.

FESUOKNA 23:1

“Thuthang indiknaw chu hril dar naw la, hrietpuitu felnaw ni dingin mi rilo inthlawppui naw rawh.

FESUOKNA 23:7

Hêkna indik nawa inthawk chu insiekieng dai la, pawitâwklo le mi fel chu that naw rawh, a thiemnaw chu thiem kân changtir âwm si naw a.

THUVARHAI 10:18

Hmûr khêlinhlipa theidana chu ip a; Demna thu sâksuoktu chu invêt a nih.

THUVARHAI 11:13

Mi lâwt vêltu anga invâk vêl chun thurûk a phawr hlak a, Mi lungril ringumtak ruok chun thu chu a ip hlak.

THUVARHAI 20:19

Mi bautam invâk vêltu chun thurûkhai a puong a, Chuleiin, a bau ka lientu chu va pâwl naw rawh.

JEREMIA 6:28

An rêngin nuora helhai chu an na, hmurthiemhai le chun an invâk a, dârsen le thîrhai an na, an rêng el chun setak el chun an thaw a nih.

JEREMIA 9:4

Mi tinin mâni tuolbâwmhai pawisa seng unla, unau ieng ang khawm chu ring naw ro; unau tinhai chu mâni hmasieltak el, tuolbâwm tinhai khawm chu thukhêl le invâk mi an ni âwm si a.

EZEKIEL 22:9

I sûnga chun thisen insuo dingin mi bautamhai an um a; i sûnga chun tlâng sâng chungahai chun an fâk bawk a; i sûnga chun hurna thil khawhlo khawm chu an lo thaw ta a.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

DÂN PAHNINA 27:25

“‘Pawitâwklo thatna dinga thamna latu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni lovin, insûm thei le iengkima ringum an ni ding a nih.

2 TIMOTHE 3:3

hmangaina insiengpui nei naw dâm, mi nunrawng dâm, hêktu dâm, insûm thei naw dâm, mi ṭium dâm, ṭhat nuom dêr lo dâm,

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,

1 PETER 2:1

Chuongchun, suolna po po dâm, zâwrna po po dâm, vervêkna dâm, îtthîkna dâm, hrilsietna po po bânsan unla,

1 SAMUEL 24:10

Ngai ta, vawisûn hin Lalpain pûka hin ka kuta a hung inhlânzie che hi i mit ngeiin i hmu a; ṭhenkhat chun sukhlum ding chein an mi tir a; nisienlakhawm, ka hla che a; ka lalpa chunga hin ka kut hrim hrim inlet naw ning, Lalpa hrieknâl a ni si a, ka ti a.