LEVI DÂN 19:15 - Pathien Lekhabu Inthieng (BSI)

¹⁵ “Rorêlnaa chun fellotakin in rêl ding a ni nawh, mi rimsi chu i thlier ding a ni naw a, mi thilthawthei în za chuong ding a ni bawk nawh, feltakin i tuolbâwm ro chu i rêlpêk ding a nih.

LEVI DÂN 19:15 ပူးပေါင်းရင်းမြစ်များ

JOB LEKHABU (THE BOOK OF JOB) 13:8

A mi hi in inza naw ding am a nih? Pathien ta ding chun in kal ding maw?

JOB LEKHABU (THE BOOK OF JOB) 32:21

Ka hni cheu hi, mi tukhawm mi nina chu mîn zâtir naw unla, Mi tukhawm kuomah hming ṭha tehlêm chu pe bawk naw ning.

JOB LEKHABU (THE BOOK OF JOB) 34:19

Lalnauhai khawm inza biklo, Hausahai khawm mi rimsi nêka ngaisâng chuong lotu chu? An rêngin a kutsuokhai an ni si a.

INPÂKNA HLABU 82:2

Ieng chen am indik nawtaka ro in rêl a, Mi rilohai chu in ditsak bîk ding a na?

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

THUVARHAI 18:5

Mi khawhlo ditsak chu thil ṭha a ni naw a, Rorêlnaa mi fel hnâwlhmang chu a ṭha chuong bawk nawh.

THUVARHAI 24:23

Hienghai hi mi var thuhrilhai chu an nih, Rorêlnaa mihriemhai thlierbîkna nei hi a ṭha nawh.

THUVARHAI 31:9

I bau chu ka la, feltakin ro chu rêl la, Chun, tlasamhai le pasiehai ta ding chun rorêlna rawng chu bâwl rawh.

LEVI DÂN 19:35

“Rorêl thua dâm, seizie inkhinaa dâm, bûknaa dâm, tamzie inkhinaa dâm indik nawtakin in thaw ding a ni nawh.

JOHAN 7:24

ân lang angin ngaituo naw unla, feltakin ngaituo lem ro,” a ta.

THILTHAWHAI 23:3

Paula chun a kuomah, “Nang lung bang nâlvârpa, Pathienin ben lem a ti che; nang Dân anga mi ngaituo dingin i ṭhung a, Dân naw anga mi ben ding i ti vei a ni maw?” a ta.

DÂN PAHNINA 1:17

Rorêlnaah thlierbîk in nei ding a ni nawh; mi chîn le mi lien inang zingin in ngaipêk ding a nih; tukhawm in ṭi ding a ni nawh; rorêlna chu Pathien ta a ni si a; in ta dinga thu khir taluo chu ka kuomah hung intlun hlak in ta, chu chu lo ngaituo hlak ka tih,’ tiin thu ka pêk a.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

DÂN PAHNINA 27:19

“‘Ram dang mihai, pa nei naw hai, hmeithaihai ro indiknawtaka rêlpêktu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.