LEVI DÂN 19:14 - Pathien Lekhabu Inthieng (BSI)

¹⁴ Nasêt chu ṭawngsie în phur ding a ni naw a, mitdel hmaah inpal thlûkna i sie ding a ni bawk nawh; i Pathien chu i ṭi ding a ni lem; Kei hi Lalpa chu ka nih.

LEVI DÂN 19:14 ပူးပေါင်းရင်းမြစ်များ

INṬANNA 42:18

A ni thum ni chun Josef chun an kuomah, “Hieng ang hin thaw unla hring in tih, Pathien ka ṭi si a:

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

INPÂKNA HLABU 111:10

Lalpa ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhawtluonga um ding a nih.

LEVI DÂN 19:15

“Rorêlnaa chun fellotakin in rêl ding a ni nawh, mi rimsi chu i thlier ding a ni naw a, mi thilthawthei în za chuong ding a ni bawk nawh, feltakin i tuolbâwm ro chu i rêlpêk ding a nih.

LEVI DÂN 19:32

“Lua kêlsam ṭohai hmaa chun i ngîr pei ding a na, tar hmêl chu în za ding a na, i Pathien chu i ṭi ding a nih; Kei hi Lalpa chu ka nih.

LEVI DÂN 25:17

In inhlêm ding a ni naw a, in Pathien chu in ṭi ding a nih: kei hi Lalpa in Pathien chu ka ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:14

A suknawmnatuhai cheu chu malsâwmpêk unla, ṭawngsie chu in phur naw ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:13

Chuleiin, insawisêl tâwl ta nâwm ei niu khai; tûkhawmin mâni unau kalna amanih tlûkna amanih siem naw tum lem seng ro.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

DÂN PAHNINA 27:18

“‘Lampuia inthawka mitdel lampui nawa infetirtu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

1 PETER 2:17

Mi po po chawimawi ro. Unauhai chu hmangai ro, Pathien ṭidêk ro. Laltak chu chawimawi ro.

THUPUONGSUO 2:14

Nisienlakhawm, tlâwmin demna che ka nei: Balaam inchûktirna pawmtu mi ṭhenkhat i kawl a, ama chun Balak chu Israel mipuihai sukthlû a, milim biekna sa infâktir ding le, inditna suola intlûktir dingin ân chûktir a nih..