LEVI DÂN 19:10 - Pathien Lekhabu Inthieng (BSI)

¹⁰ In grêp huona lo ṭhelhai in zawng nâwk ding a ni naw a, in grêp huona a ra ṭilhai in rût khâwm ding a ni bawk nawh; mi rimsihai le ram dang mihai in hlapêk ding a nih; Kei hi Lalpa in Pathien chu ka nih.

LEVI DÂN 19:10 ပူးပေါင်းရင်းမြစ်များ

ISAI 17:6

Nisienlakhawm, oliv thing vuok hnunga a zikpui insângtak lêra ra pahni pathum amanih, thing ratak zâr seitaka hai pali panga amanih a um hlak ang hin chutaka chun hmu ṭhel rût ding la um a tih, Lalpa Israelhai Pathien chun a tih.

ISAI 24:13

Hnuoi lailia mi tin lai chun hieng ang hin a la um ding a ni si a, oliv thing vuok hnunga a ra la um hlak ang le, grêp lo hnunga grêp hmu ṭhel lo ding a la um hlak ang el hin.

JEREMIA 49:9

Grêp ra lotuhai chu i kuomah hung hai sienla, grêp hmu ṭhel ṭhenkhat an mâksan naw ding maw? Zânah inru hung sienla, an dittâwk an nei hmakhat chu an suksiet naw ding maw?

LEVI DÂN 11:44

Kei hi Lalpa in Pathien ka ni si a; chuleiin, insukthieng unla, inthiengin um ro; kei kân thieng si a; hnuoia chêng, bawkinvâk chi a ieng ieng khawma insukpawrche naw ro.

LEVI DÂN 19:11

“Inru naw unla, mî hlêm naw unla, khêl hril bawk naw ro.

LEVI DÂN 19:25

A kum nga kum ruok chun, in ta dinga a pung pei theina dingin a ra chu in fâk ding a nih: Kei Lalpa in Pathien chu ka nih.

LEVI DÂN 19:9

“In loa bu dâm in sîk pha in lohnâwm kil rawt chenin in sîk ding a ni naw a, lâk ṭhelhai chu pâwltlâk hnungin in lâk khâwm ding a ni bawk nawh.

LEVI DÂN 23:22

“In loa bu in sîk pha chun, in hnâwmkâwl rawt chen in sîk ding a ni naw a, bu hnung khawm in zawng ding a ni nawh; mi rimsi le ram dang mihai in hlapêk ding a nih: Kei hi Lalpa in Pathien chu ka nih,’ ti rawh,” tiin.

LEVI DÂN 25:6

Ram châwl kum chun in fâkfâwm ding insuopêk a ti cheu a; i ta ding dâm, i siehlawpa le i siehlawnu ta ding dâm, i inhlawfa ta ding dâm, i kuoma khawsa ram dang mi ta ding dâm,

OBADIA 1:5

I kuomah rûkruhai, suomhmanghai zânah hung hai sienla, (sukbohmang i va ni nasa âwm de!) an dittâwkin an inrûk naw ding am a nih? I kuomah grêp sîk khâwmtuhai hung sienla, grêp sîk ding ṭhenkhat an mâksan naw ding am a nih?

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni si a; ra bâwr fâk ding a um nawh; ka hringna hin theichang hmin hmasa a châk a nih;

DÂN PAHNINA 24:19

“In loa bu chu in sîk a, buphal chu in inkhâwm ṭhel chun in lâk nâwk ding a ni nawh, ram dang mihai dâm, pa nei lohai dâm, hmeithaihai ta ding a nih; chuongchun, Lalpa in Pathien chun in kutsuok po poah mal a sâwm ding cheu a nih.

DÂN PAHNINA 24:20

“In oliv thing chu in vuokin a kâuhai chu in vuok nawn ding a ni nawh; ram dang mihai, pa nei lohai, hmeithaihai ta ding a nih.

DÂN PAHNINA 24:21

In grêp huona mi in lo pha chun a hnung in zawng ding a ni nawh; ram dang mihai, pa nei lohai, hmeithaihai ta ding a nih.

RORELTUHAI 8:2

Ama chun an kuomah, “Nangni nêkin tuhin ieng am ka thaw bîk leh? Abiezer mihai grêp lo nêk chun Ephraim mihai grêp hmu ṭhel zawng hi a nasa lem ni lo am a nih?

RUTH 2:2

Chun, Moab mi Ruth chun Naomi kuomah, “Lo tieng va fêng ka ta, a mi lo lunginsiet taphawt hai buhnung va zawng ka ti aw,” a ti a. Ama chun a kuomah, “Fe raw chu, ka naunu,” a ti a.