LEVI DÂN 18:3 - Pathien Lekhabu Inthieng (BSI)

³ In umna tah Aigupta ram mihai thaw ang kha thaw naw unla, ka ṭhuoi lûtna ding cheu Kanaan ram mihai thaw ang khawma thaw naw unla, an dân khawm zâwm bawk naw ro.

LEVI DÂN 18:3 ပူးပေါင်းရင်းမြစ်များ

2 LALHAI 17:8

Lalpain Israel mipuihai hmaa a lo hnawt suok tah hnamhai thuruot le Israel lalhai thuruot anga an lo pawm tâk lei a nih.

INPÂKNA HLABU 106:35

Hnam tin chu an pâwl a, An thilthawhai chu an inchûk lem a.

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

EZEKIEL 23:8

Aiguptaa umna nihaia inthawk ta khan a nawchizawr chu a ma naw a, a tleirâwl lai an lo zâlpui a; a nunghâk inthieng nêne hmûrhai chu an lo sukhliem ta si a; chuongchun, an hurna chu a chunga chun an lo bunthlâk ta a.

LEVI DÂN 20:23

In hmaa ka hnawt suok tah hnamhai dân dâm in hrâw ding a ni nawh; hieng thilhai po po hi an thaw hlak leiin ka tirdak tâwl an nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:2

Hi khawvêl dân ang hin um naw unla, Pathien dit zâwng a ṭha le lâwmtlâk le ṭha famkim chu in hriet chieng theina dingin, in lungril a thara umin, hung danglam lem ta ro khai.

DÂN PAHNINA 12:4

Chuong ang chun Lalpa in Pathien chunga chu in thaw ding a ni nawh.

DÂN PAHNINA 29:17

anni laia an thil tirdakumhai le an milim, thing le lung dâm, tangkaruo le rângkachak dâm khawm kha in hmu bawk a).

DÂN PAHNINA 9:4

Lalpa in Pathienin a hnawt suokpêk hnung cheu chun, ‘Ei felna leiin hi ram hi hluo dingin Lalpain a mi ṭhuoi lût a nih,’ in lungrilin ti dêr naw ro; hieng hnamhai hi an suol leiin a nih Lalpain a hnawt suokpêk ding cheu chu.