LEVI DÂN 18:21 - Pathien Lekhabu Inthieng (BSI)

²¹ Molek puola meia pei lût dingin i rîla ra hrim hrim chu i pêk ding a ni naw a, i Pathien hming chu i suksiet ding a ni bawk nawh: Kei hi Lalpa chu ka nih.

LEVI DÂN 18:21 ပူးပေါင်းရင်းမြစ်များ

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:7

Chuongchun, Solomon chun Jerusalem bula tlângah Moab mihai pathien tirdakumtak Kemos ta dingin le, Ammon mihai pathien tirdakumtak Molek ta dingin bâwlhmun a lo siem ta a.

2 LALHAI 16:3

Israel lalhai lampui hraw chu a hraw ve a, anih, Lalpain Israel mipuihai hmaa a hnawtsuok hnamhaiin thil tirdakumtak an thaw hlak angin a naupa chu meiah ân lûttir a.

2 LALHAI 17:31

Ava mihai chun Nibhaz le Tartak an siem a; chun, Sepharvaim mihai chun Sepharvaimhai pathien Adrammelek le Anammelek hmingin an nauhai an raw hlak a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; Lalpa mithmuah thil ṭha nawtak ama suklungsen dingin a thaw hlak a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 CHANCHIN SUINA 28:3

Chunawa khawm chun Hinnom naupa ruoma chun riminhnik a raw a ; Israel mipuihai hmaa Lalpain a hnawtsuok khawhri be mihai tirdakumna ang tak chun a nauhai chu meiah ân lûttir bawk a.

JEREMIA 19:5

Baal bâwlhmunhai chu an bâwl a, Baal kuoma pumrawhmang thilinhlân dinga an naupasalhai râwna dingin; chu chu thu ka pêk hlek naw a, hril khawm ka hril naw a, ka lungrila khawm a hung lût ngai nawh;

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

JEREMIA 7:31

Hinnom naupa ruoma chun Topheth bâwlhmunhai chu an naupasalhai le an naunuhmeihai meia an rawna dingin an bâwl ta a; chuong chu thu ka pêk ngai naw a, ka lungrila khawm lût khawm a hung lût ngai nawh.

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun Lalpa ka nih ti an mi hriet theina dingin anni chu ka sukpawrche a.

EZEKIEL 20:31

In thilpêkhai in inhlân lai le, in naupasalhai chu meia in infethlengtir lai khan, in milimhaia khan vawisûn ni chen hin in insukpawrche a ni nâwm a nih? Aw Israel sûngkuo, nangni mi râwn hin ka um rawp ding maw? Ka hring zing angin, Lalpa Pathien chun a tih, nangni irâwn hin chu um ta naw ningah.

EZEKIEL 23:37

An lo uire ta si a, an kuthaia chun thisen a kai a; an milimhai chun uiretna thil chu an lo thaw ta a; chun, an naupasalhai an mi neipêkhai khawm chu, an kuomah fâk zoa um dingin meia chun an infethlengtir a.

LEVI DÂN 19:12

In Pathien hming hrilse dingin ka hming sâlin khêlin in inkhâm ding a ni nawh; Kei hi Lalpa in Pathien chu ka nih.

LEVI DÂN 21:6

An Pathien ta dingin mi inthieng nîng an ta, an Pathien hming an suksiet ding a ni bawk nawh; Lalpa kuoma mei hmanga thilinhlânhai le fâk ding dâm an inhlân hlak leiin; an inthieng ding a nih.

LEVI DÂN 22:2

“Aron le a naupasalhai kuomah hril la, Israel mipuihaiin thil inthieng ka kuoma an inhlân laiin insiekieng raw hai se, ka hming sukse rawi an tih. Kei hi Lalpa ka nih.

LEVI DÂN 22:32

Chun, ka hming inthieng hi in suksiet ding a ni naw a, Israel mipuihai laia chun chawimawiin ka um ding a nih;

LEVI DÂN 24:15

Chun, Israel mipuihai chu hril la, an kuomah, ‘Tukhawm a Pathien ṭawngsie inphur taphawt chun a suol maw chu phur a tih.

AMOS 2:7

rimsi lu chunga pilvut phul châk ngawi ngawi le, zainêmhai lampui sukkâwipêk hlakhai chu: chun, mi pakhat chu a pa leh nunghâk pakhat kuoma ka hming sukse dingin an fe hmunkhat hlak a!

AMOS 5:26

Anih, in laltak Sikkuth in Molok puon inhai le, in Kiun milimhai, in arasi pathien, mâni ta dinga in siem chu in phur a.

MIKA 6:7

Lalpa chu berâmchal sâng tamtak amanih, hriek vadung sînghaia dâm chun a lungawi ding am a nih? Ka bawsietna leiin ka nau lutîr chu ka pêkin, ka thlarau suolna leiin ka taksa ra chu ka pêk ding am a nih?

MALAKI 1:12

Amiruokchu, in bawsiet a, chutaka chun, ‘Lalpa dawkân chu sukpawrche a ni ta a, chutaka a theirahai khawm chu; chun, a buhai ngei khawm chu hmusitum a ni tah,’ in ta.

THILTHAWHAI 7:43

Molok puon in le pathien Rephan arasi khawm chu, Chibai bûk dingin a lim in siemhai kha, In zâwm lem hlak a; Chuleiin, Babulon khaw khêl tieng Ṭhuoi hmang ka ti cheu,’ ti ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:23

Pathien thi thei lo ropuina chu, mihriem thi thei dâm le vatehai dâm, sapheimanli le thilhringhai lim angah an inchangtir ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:24

An ziek ang ngei khan, Pathien hming chu nangni leiin Jentailhai laiah sukpâwiin a um ta a ni hi.

DÂN PAHNINA 12:31

Chuong ang chun Lalpa in Pathien chungah in thaw ding a ni nawh; an pathien chunga chun Lalpa ngaia thil tirdakum tinrêng a theida takhai chu an thaw hlak a, an naupasalhai, an naunuhmeihai ngei khawm an pathien ta dingin an râw hlak a nih.

DÂN PAHNINA 18:10

A naupa amanih, a naunu amanih, meia infethlengtir dâm, aisân chîng dâm, aien chîng dâm, mitvaidawi hmang dâm, dâwithiem dâm,