LEVI DÂN 17:8 - Pathien Lekhabu Inthieng (BSI)

⁸ Chun, an kuomah hril la, Israel sûngkuo laia mi hrim amanih, ram dang mi anni laia khawsahaiin amanih, pumrawhmang thilinhlân amanih, inthâwina amanih ân hlân a,

LEVI DÂN 17:8 ပူးပေါင်းရင်းမြစ်များ

2 SAMUEL 24:25

Chun, David chun chutaka chun Lalpa ta dingin maichâm a siem a, pumrawhmang thilinhlânhai le inremna thilinhlânhai ân hlân a. Chuongchun, Lalpa chu an ram chunga chun a lungâwi a, Israel rama inthawkin hri chu ân kieng ta a.

LEVI DÂN 17:10

“Chun, tukhawm Israel sûngkuo laia mi amanih, ram dang mi anni laia khawsa amanih, ieng thisen khawm fa taphawt chu, chu thisen fatu chunga chun ka hmai sukthim ka ta, a chipuihai laia inthawka tuithlârin inumtir ka tih.

LEVI DÂN 17:4

Lalpa riebûk hmaa Lalpa ta dinga thilinhlâna intuokna puon in kawtkhâr bula hung la naw taphawt chu, ama chu thisen insuoa ngai nîng a tih; thisen insuo ngei a na, ama chu a chipuihai laia inthawkin tuithlârin a um ding a nih.

LEVI DÂN 17:7

Lepchie taka umin, khawhrihai chu zuiin an kuomah an inthâwi ta hrim hrim ding a ni nawh,’ Hi hi an thlahai chena an kumkhaw dân ding a nih.

LEVI DÂN 17:9

Lalpa kuoma inthâwi dinga intuokna puonin kawtkhâr bula hung la lo chu, ama ngei chu a chipuihai laia inthawka tuithlârin a um ding a nih.

LEVI DÂN 3:7

A thilinhlâna berâmte ân hlân chun Lalpa hmaa chun inhlân a ta;

MALAKI 1:11

Nisa suoknaa inthawka a tlâkna chenin Jentailhai lai hman ka hming hi a ropui a na; hmun tinahai chun riminhnik dâm ka hminga inhlân a na, thil inthieng inhlân leh; Jentailhai lai hman ka hming chu a ropui si a, sipaihai Lalpa chun a tih.

JOSUA 22:11

Chun, Israel thla mi danghai chun, “Ngai ta u, Reuben mihai le, Gad mihai le Manasse hnam zâtvehai khan Kanaan ram bultak Jordan biel, Israel thlahai ram tieng pangah maichâm an siem a,” tia mî hril an hriet a.

JOSUA 22:15

Chun, Reuben mihaihai le Gad mihai le Manasse hnam zâtvehai kuoma chun Gilead ramah an hang fe ta a,

JOSUA 22:16

an kuomah, “Lalpa mipui pungkhâwm po poin, ‘Hi thil suoltak hi iengtiziea Israelhai Pathien chungah thaw am in ni a? Lalpa chu nghatsanin maichâm dâm siemin iengtiziea Lalpa chunga hel am in ni a?

RORELTUHAI 6:26

chun, hi kul chunga hin kawngzâwng neitakin Lalpa i Pathien ta dingin maichâm siem la, bâwngchal pahnina chu la la, i phûr ding Asera thing chu hmangin pumrawhmang thilinhlân inhlân rawh,” a ti a.

1 SAMUEL 10:8

Chun, ka fe hma hin Gilgala chun lo zu fe la, chun, ngai ta, kei khawm pumrawhmang thilinhlânhai le inremna inthâwinahai inhlân dingin i kuomah hung thlâng ka ta; i kuoma ka hung a, i thaw ding ka hung hril hma che chun ni sari i lo um ding a nih,” a ta.

1 SAMUEL 16:2

Chun, Samuel chun, “Iengtin am fe thei ka ti leh? Saula chun a lo hriet chun mi sukhlum el a tih,” a ta. Chun, Lalpa chun, “Bâwngla ṭhuoi la, ‘Lalpa kuoma inthâwi dinga hung ka nih,’ ti el rawh.

1 SAMUEL 7:9

Chun, Samuel chun berâmte nêne ne lai a lâk a, pumrawhmang thilinhlân dingin Lalpa kuomah ân hlân a, Israel mihai ta dingin Samuel chun Lalpa chu a ko a; chun, Lalpa chun a hung dawn a.