LEVI DÂN 17:6 - Pathien Lekhabu Inthieng (BSI)

⁶ Chun, thiempu chun intuokna puon in kawtkhâr bula maichâm chu thisen chun thêng a ta, a thâu chu Lalpa ta dinga rim inhniktaka dingin a râw ding a nih.

LEVI DÂN 17:6 ပူးပေါင်းရင်းမြစ်များ

FESUOKNA 29:13

Chun, a sûng thâu po chu lâng i ta, a thin chunga duorda le, a kalhai pahni le anni tuomtu thâu leh maichâm chunga chun rawng i tih.

FESUOKNA 29:18

berâmchal chu a pumin maichâm chunga chun rawng i tih: Lalpa kuoma pumrawhmang thilinhlân a na, Lalpa kuoma meia thil inhlân riminhnik a nih.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa Pathien chun a tih;

LEVI DÂN 17:5

Chu chu Israel thlahaiin hmun uolaua inthâwina an ithathai an hung chawi theina dingin, Lalpa kuom ngeiah, intuokna puon in kawtkhâr bulah thiempu kuoma an hung chawi theina dingin le, Lalpa kuoma inremna thilinhlâna an inhlân theina dingin a ni a;

LEVI DÂN 3:11

Thiempu chun chu chu Lalpa kuoma mei hmanga bu thilinhlân dingin, maichâma chun a raw ding a nih.

LEVI DÂN 3:13

a lu chunga chun a kut innghat a ta, intuokna puon in tuola chun a that ding a nih; chun, Aron naupasalhai chun maichâm chu thisen chun an the huol ding a nih.

LEVI DÂN 3:16

Chun, thiempu chun chuonghai chu, riminhnik dingin, mei hmanga thilinhlânin maichâma chun a raw ding a nih. A thâu po po chu Lalpa chanpuol a nih.

LEVI DÂN 3:2

A thilinhlân lu chunga chun a kut innghat a ta, intuokna puon in kawtkhâr bula chun that a ta; chun, Aron naupasal thiempuhai chun maichâm chu thisen chun an the huol ding a nih.

LEVI DÂN 3:5

Chun, Aron naupasalhai chun maichâmah meia thing um chunga pumrawhmang thilinhlân chunga chun râwng an ta; chu chu Lalpa ta dinga rim inhniktak mei hmanga thilinhlân a nih.

LEVI DÂN 3:8

a thilinhlân lu chunga chun a kut innghat a ta, intuokna puon in tuola chun that a ta; Aron naupasalhai chun maichâm chu thisen chun an the huol ding a nih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

NAMBAR 18:17

Amiruokchu, bâwng pieng thla hmasa tak dâm, berâm pieng thla hmasa tak dâm, kêl pieng thla hmasa takhai chu în tlan ding a ni naw a, an inthieng a nih, an thisen chu maichâmah thêng i ta, Lalpa ta dinga riminhnikah an thâuhai chu meia thilinhlânah i raw ding a nih.