LEVI DÂN 17:5 - Pathien Lekhabu Inthieng (BSI)

⁵ Chu chu Israel thlahaiin hmun uolaua inthâwina an ithathai an hung chawi theina dingin, Lalpa kuom ngeiah, intuokna puon in kawtkhâr bulah thiempu kuoma an hung chawi theina dingin le, Lalpa kuoma inremna thilinhlâna an inhlân theina dingin a ni a;

LEVI DÂN 17:5 ပူးပေါင်းရင်းမြစ်များ

INṬANNA 21:33

Abraham chun Beer-sebaa chun tamarisk thing a phun a, chutaka chun Lalpa Chatuon Pathien hming chu a lam a.

INṬANNA 22:13

Chun,Abraham chu a hang ngha a, a en a; a hnungtieng chun berâmchal a ki thinghnawka lo intâng tlat hi a hmu a: chuongchun, Abraham chun berâmchal chu a va man a, chu chu a naupa aiah pumrawhmang inhlânna ding chun a hmang ta a.

INṬANNA 22:2

Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti che a, pumrawhmang inhlânah inhlân rawh,” a ti a.

INṬANNA 31:54

Chun, Jakobin tlânga chun inthawina ân hlân a, a unauhai chu bei fa dingin a ko a; chuongchun, bei an fâk a, tlânga chun an riek ta a.

1 LALHAI 14:23

Tlâng insâng tina le thing hring tin hmuna hin lungphunhai phunin bâwlhmunhai le Aserahai chenin an siem bawk si a,

1 LALHAI 3:2

Mipuihai chu bâwlhmunahai an inthâwi el hlak a, chu hma chun Lalpa hming ta dinga in bâwl a la um hri naw leiin.

1 LALHAI 3:3

Solomon chun Lalpa chu a hmangai a, a pa David thuruothai chu a zâwm hlak a, bâwlhmunahai ân thâwi a, rim inhnikhai a raw el hlaka chu.

2 LALHAI 16:4

Chun, bâwlhmunahai, tlângahai, thing hring hmun tin hnuoia dâm ân thâwi a, riminhnik a raw a.

2 LALHAI 17:10

Tlâng insâng tina le thing hring tin hnuoia hin lungphunhai phunin Asera dâm an siem a,

2 CHANCHIN SUINA 28:4

Thing hring tin hnuoia le muol haia le, bâwlhmunhaia chun riminhnik a raw a, ân thâwi bawk a.

FESUOKNA 24:5

Chun, Israel mi tlangvâlhai chu a tir a, Lalpa kuomah rawhmang thilinhlân an inhlân a, inremna thilinhlân dingin bâwngchalin an inthâwi bawk a.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

EZEKIEL 22:9

I sûnga chun thisen insuo dingin mi bautamhai an um a; i sûnga chun tlâng sâng chungahai chun an fâk bawk a; i sûnga chun hurna thil khawhlo khawm chu an lo thaw ta a.

EZEKIEL 43:27

Chun, nihai chu an hmang zo pha, ni rietnaa inthawk chu, thiempuhai chun in pumrawhmang thilinhlânhai chu maichâma chun thâwng an ta, in inremna thilinhlânhai le chun; chuongchun, lo pawm ka ti cheu, Lalpa Pathien chun a tih,” tiin.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa Pathien chun a tih;

LEVI DÂN 17:4

Lalpa riebûk hmaa Lalpa ta dinga thilinhlâna intuokna puon in kawtkhâr bula hung la naw taphawt chu, ama chu thisen insuoa ngai nîng a tih; thisen insuo ngei a na, ama chu a chipuihai laia inthawkin tuithlârin a um ding a nih.

LEVI DÂN 17:6

Chun, thiempu chun intuokna puon in kawtkhâr bula maichâm chu thisen chun thêng a ta, a thâu chu Lalpa ta dinga rim inhniktaka dingin a râw ding a nih.

DÂN PAHNINA 12:2

In va hluo ding ram hnamhaiin tlâng lienhai, tlâng chînhai, thing hring tin hnuoi dâma an pathienhai rawng an bâwlna hmun po pohai chu in suksiet vawng ding a nih.