LEVI DÂN 17:4 - Pathien Lekhabu Inthieng (BSI)

⁴ Lalpa riebûk hmaa Lalpa ta dinga thilinhlâna intuokna puon in kawtkhâr bula hung la naw taphawt chu, ama chu thisen insuoa ngai nîng a tih; thisen insuo ngei a na, ama chu a chipuihai laia inthawkin tuithlârin a um ding a nih.

LEVI DÂN 17:4 ပူးပေါင်းရင်းမြစ်များ

INṬANNA 17:14

Chun, pasal ser tan lo, a ser hmawr vun taksaa sertanna um naw chu, chu ngei chu a chipui laia sukbohmang nîng a ta: ama chun ka thuthlung chu a bawsiet a nih,” a ti nâwk a.

INPÂKNA HLABU 32:2

Mi Lalpain rîtlona neia a ruot naw, A thlaraua hlêmna hrim hrim um naw chu, a hamṭha.

FESUOKNA 12:15

Ni sari sûng chu chawl ṭhanglo bei in fâk ding a na, ni khat nia inthawk khawmin in inhaia inthawkin chawl sie hmang vawng in ta; ni khat nia inthawka ni sari ni chen chun mi tukhawmin chawl ṭhang bei a fâk chun, chu mi chu Israel mihaia inthawka tuithlâr a ni ding a ni si a.

FESUOKNA 12:19

Ni sari sûng chu chawl hrim hrim in inhaiah hmu a ni ding a ni nawh: mi tukhawm chawl ṭhang bei fatu chu, mikhuol khawm, a rama pieng khawm, chu mi chu Israel mipuihai laia inthawka tuithlâr nîng a tih.

FESUOKNA 30:33

Tukhawm ama angtaka lo chawkpawl amanih, mi narân chunga lo nâl amanih, an um chun, ama chu a mihai laia inthawka tuithlâr nîng a tih,’ tiin,” a ta.

FESUOKNA 30:38

Mi tukhawm mâni hmang dinga chuong anga rim nei siemtu chu a mihai laia inthawka tuithlâr nîng a tih,” tiin.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

EZEKIEL 20:40

Lalpa Pathien chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilinhlânhai chu, in rahmasa inthâwinahai le in thil inthienghai po po le chun pawimawsak tâng ka tih.

LEVI DÂN 1:3

“A thilinhlân chu bâwng ruol laia mi, pumrawhmang thilinhlân a ni chun a chal, demkailo ân hlân ding a nih: ama chu Lalpa hmaa pawm a ni theina dingin intuokna puon in kawtkhâr bula chun ân hlân ding a nih.

LEVI DÂN 17:10

“Chun, tukhawm Israel sûngkuo laia mi amanih, ram dang mi anni laia khawsa amanih, ieng thisen khawm fa taphawt chu, chu thisen fatu chunga chun ka hmai sukthim ka ta, a chipuihai laia inthawka tuithlârin inumtir ka tih.

LEVI DÂN 17:14

“Tisa po po hringna chu thisen chu a ni si a; chuleiin, Israel mipuihai kuoma chun, ‘Ieng sa thisen khawm in fâk ding a ni nawh, tisa po po hringna chu a thisen chu a ni si a; tukhawm a fa taphawt chu tuithlârin a um ding a nih.

LEVI DÂN 17:3

Israel sûngkuo laia mi hrim hrim, bâwngchal amanih, berâmte amanih, kêl amani khawm ni sien, riebûka manih, riebûk puoa manih that a,

LEVI DÂN 17:5

Chu chu Israel thlahaiin hmun uolaua inthâwina an ithathai an hung chawi theina dingin, Lalpa kuom ngeiah, intuokna puon in kawtkhâr bulah thiempu kuoma an hung chawi theina dingin le, Lalpa kuoma inremna thilinhlâna an inhlân theina dingin a ni a;

LEVI DÂN 17:9

Lalpa kuoma inthâwi dinga intuokna puonin kawtkhâr bula hung la lo chu, ama ngei chu a chipuihai laia inthawka tuithlârin a um ding a nih.

LEVI DÂN 18:29

Tukhawm hieng thil tirdakumhai a ieng ieng khawm thawtu taphawt chu an chipuihai laia inthawka tuithlârin um an tih.

LEVI DÂN 20:16

Nuhmeiin ran a va hnai a, ân pâwlpui chun, nuhmei le ran chu in sukhlum ding a nih; sukhlum ngei ding an nih, an thisen maw chu an chunga um a nih.

LEVI DÂN 20:18

Mîn nuhmei a hul naw laia a zâlpui a, a saruokna a hlîm chun a thi suokna chu hlîm a na, nuhmei khawm chun ama thi suokna a hlîm a na; an chipuihai laia inthawka sukbohmang ve ve ding an nih.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 3:2

A thilinhlân lu chunga chun a kut innghat a ta, intuokna puon in kawtkhâr bula chun that a ta; chun, Aron naupasal thiempuhai chun maichâm chu thisen chun an the huol ding a nih.

LEVI DÂN 7:18

A inremna thilinhlân inthâwina sa chu ni thum ni chena an fâk chun pawmpêk ni naw ni a, ân hlântu khawm chu inhlâna ngai ni naw bawk a tih; thil tirdakum nîng a ta, tukhawm a fa taphawt chun an khawhlona maw chu phur an tih.

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:6

Mi, a thilthaw ngaituo lova, Pathienin fela a ingaihai hamṭhatzie chu David khawmin:-

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:13

Dân um hmain suol khawvêlah a um ta si a; dân a um si naw chun suol chu suola ngai a ni nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:20

Chun, bawsietna chu ân lang nawk zuol theina dingin Dân a hung um nâwk nghâl a. Nisienlakhawm, suol a pungna poah lunginsietna chu a pung zuol pei hlak;

DÂN PAHNINA 21:8

Aw Lalpa, în tlan suok i mi Israelhai hi ngaidam la, i mi Israelhai lai hin pawitâwk lo thisen suokna hi a um phal naw la, thisen thua chun ngaidam lem rawh,’ tiin.