LEVI DÂN 17:15 - Pathien Lekhabu Inthieng (BSI)

¹⁵ Chun, mânia thi amanih, sa se amanih fa taphawt chu, chu rama mi hrim amanih, ram dang mi amani khawm ni sienla, a puonhai sâwp a ta, ân sil ding a nih; chun, zântieng chenin inthiengnaw nîng a ta, chu hnunga chun inthieng hung nîng a tih.

LEVI DÂN 17:15 ပူးပေါင်းရင်းမြစ်များ

FESUOKNA 22:30

Chuong ang bawk chun i bâwngchalhai, i berâmhai i thaw ding a nih; ni sari chu a pui leh um an ta, ni riet ni chun ka kuomah i pêk ding a nih.

FESUOKNA 22:31

“Ka kuoma chun mi inthieng nîng in ta, chuongchun, ramsahai fâk hnung sa hrim hrim chu fa naw ti niu a, uihai kuomah pe lem in tih.

EZEKIEL 4:14

Chun, kei chun, “A, Lalpa Pathien! ngai ta, kei chu ka lungril khawm sukpawrche a la ni naw a, ka tleirâwla inthawk tah tu chen hin amaa thi amanih, ramsahaiin an kei nâwi amanih ka fâk ngai naw a, ka baua hin sa tirdakum hrim hrim a lût ngai nawh,” ka ti a.

EZEKIEL 44:31

Thiempuhai chun thilhring amaa thi amanih, keinawia um amanih, ramsa khawm ni sien, vate khawm ni sien an fâk ding a ni nawh.

LEVI DÂN 11:24

“Chun, hieng lei hin inthiengnaw hung kai thei in tih; mi tukhawm saruong tâwk taphawt chu zântieng chenin inthieng naw nîng an ta;

LEVI DÂN 11:25

tukhawm hieng ruonghai latuhai chun an puonhai an sâwp ding a na, zântieng chenin inthiengnaw nîng an tih.

LEVI DÂN 11:27

Chun, sapheimanli chi po poah kebawra lâwn taphawt chu in ta dingin thil tirdakum an na: an ruong tâwk taphawt chu zântieng chenin inthiengnaw nîng an tih.

LEVI DÂN 11:28

An ruong latuhai taphawt chun an puonhai an sâwp ding a na, zântieng chenin inthiengnaw nîng an tih; in ta dingin thil tirdakum a nih.

LEVI DÂN 11:31

Hieng hi bawkinvâk chi po po laia in ta dinga thil tirdakumhai chu an nih.

LEVI DÂN 11:32

An thia thil iengkhawm an del chu inthiengnaw ni pei an tih; thil hmang lai phawt, thing hmangruo dâm, puon dâm, savun dâm, saiip dâm khawm ni sienla, tuia inchie ding a na, zântieng chenin inthieng naw nîng a tih; chu zo chun inthieng a tih.

LEVI DÂN 11:39

“Ran in fâk thei chi hrim hrim khawm lo thi ta sienla, a ruong tâwktu taphawt chu zântieng chenin inthiengnaw nîng a tih.

LEVI DÂN 11:40

A sa fa taphawt chun an puon sâwp an ta, zântieng chenin inthiengnaw nîng an tih; a ruong latu khawm chun a puonhai a sâwp ding a na, zântieng chenin inthiengnaw nîng a tih.

LEVI DÂN 15:10

Tukhawm ân nghatna hmun tâwk taphawt chu zântieng chenin inthiengnaw nîng a tih; chun, chuong thilhai dawm sawntu chun a puonhai sâwp a ta, insil a ta; zântieng chenin inthiengnaw nîng a tih.

LEVI DÂN 15:21

Tukhawm a khum lo tâwk taphawt chun a puonhai sâwp a ta, insil a ta; zântieng chenin inthiengnaw nîng a tih.

LEVI DÂN 15:5

Tukhawm a khum chu va tâwk taphawt chun an puonhai sâwp an ta, an insil ding a nih; chuongchun, zântieng chen chun inthiengnaw nîng an tih.

LEVI DÂN 22:8

Insukpawrche dingin mânia thi amanih, sa se amanih a fâk ding a ni nawh. Kei hi Lalpa chu ka nih,’ tiin hril rawh.

LEVI DÂN 7:24

Mânia thi thâu le sa ise thâu chu thil dang ienga khawm hmang thei nîng a ta, fâk ruok chu in fâk dêr ding a ni nawh.

NAMBAR 19:19

chun, mi thiengin ni thum ni le ni sari niin mi thieng naw chu thêng a ta, ni sari ni chun sukthieng a ta; a silfênhai sâwp a ta, insil a ta, zântieng chun hung inthieng tâng a tih.

NAMBAR 19:21

Hi hi an ta dinga kumkhaw dân ding a nih; inthienna tuia thea um taphawt chun an silfênhai sâwp an ta, chun, inthienna tui tawk taphawt chu zântieng chenin thienglo nîng a tih.

NAMBAR 19:8

A rawtu khawm chun a silfênhai sâwp a ta, insil a ta, zântieng chenin thienglo nîng a tih.

DÂN PAHNINA 14:21

“Mania thi chu iengkhawm in fâk ding a ni naw a, in umpui ram dang mihai fâk dingin pe thei in tih; hnam dang mihai kuomah a zawrin zawr thei bawk in tih; nangni chu Lalpa in Pathien ta dinga hnam inthieng in ni si a. Kêlte chu a pui nênetuiin in suong ding a ni nawh.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.