LEVI DÂN 16:34 - Pathien Lekhabu Inthieng (BSI)

³⁴ An suolna po po leia kum tin vawi khat Israel mipuihai ta dinga intlanna siem hi in kumkhaw dân ding a nih,” a ta. Chuongchun, Lalpain thu a pêk ang chun Mosie chun a thaw ta a.

LEVI DÂN 16:34 ပူးပေါင်းရင်းမြစ်များ

FESUOKNA 27:21

Intuokna puon in Thuthlung bâwm hmaa puonzâr puoa chun Aron le a naupasalhaiin Lalpa hmaa chun zântienga inthawka zîngkâr chenin enkawl an ta; Israel mihai aiin an thlahai chenin kumkhuoin an bata ngai nîng a tih.

FESUOKNA 30:10

Aron chun a kihai chunga chun kum khata vawi khat intlanna siem a ta; in thlahai chenin intlanna suol ta dinga thilinhlân thisen chun kum khatah vawikhat maichâm ta dinga intlanna siempêk a tih, Lalpa kuoma inthiengtak a nih,” tiin.

FESUOKNA 39:43

Mosie chun an sinthawhai po po chu a en a, Lalpain thu a pêk ang tak chun an thaw zo tah ti a hmu a; chuong ang tak chun an thaw zo ta a; chun, Mosiein anni chu mal a sâwm ta a.

LEVI DÂN 16:2

Lalpa chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni si a.

LEVI DÂN 17:1

Lalpa chun Mosie a biek a,

LEVI DÂN 23:28

Chu ni chun ieng sin khawm in thaw ding a ni nawh: Lalpa in Pathien hmaa intlanna siemna dinga intlanna ni a ni si a.

LEVI DÂN 23:31

Ieng sin khawm in thaw ding a ni nawh; hi hi in chêngna taphawtah in thlahai chena kumkhaw dân ding a nih.

LEVI DÂN 24:23

Chuongchun, Mosie chun Israel mipuihai chu a biek a; ṭawngsiea inkhâmtu chu riebûk puoah an ṭhuoi suok a, lungin an dêng a. Israel mipuihai chun Lalpain Mosie thu a pêk ang chun an thaw ta a.

LEVI DÂN 3:17

Thâu amanih, thisen amanih in fâk naw ding a nih ti hi, in thlahai chena khawm in umna taphawta chun kumkhaw thuruot ngîrzing nîng a tih,’ ti rawh,” tiin.

NAMBAR 29:7

“Hi thla sarina, ni sâwm ni hin inkhâwmpui inthieng nei in ta, in lungril sukrinum in ta, ieng sin khawm in thaw ding a ni nawh.

HEBRAIHAI 10:14

Thil inhlân ṭum khat chauin sukthieng tahai chu chatuona dingin a sukfamkim ta si a.

HEBRAIHAI 10:3

Nisienlakhawm, chuong inthâwinaa chun kum tinin suolhai hriet nâwkna a hung um rawp lem a nih.

HEBRAIHAI 9:25

nisienlakhawm, Thiempu Laltak chu kum tinin, mâni thisen naw, thisen chawi puma Hmun Inthiengah a lût hlak angin, ama chu mâni inhlân rawp dingin a lût naw bawk a,

HEBRAIHAI 9:7

a dawttua ruok chun Thiempu Laltak chau kum tin vawikhat thisen chawi ngeiin a lût hlak, chu chu mihai le ama suolna ta dingin ân hlân hlak.