LEVI DÂN 16:18 - Pathien Lekhabu Inthieng (BSI)

¹⁸ Lalpa hmaa maichâm tieng chun suok a ta, chu puola ding chun intlanna siem a ta; bâwngchal thisen le kêl thisen iengzât amani chu lâng a ta, maichâm kia chun a vêlin nâl a tih.

LEVI DÂN 16:18 ပူးပေါင်းရင်းမြစ်များ

FESUOKNA 30:10

Aron chun a kihai chunga chun kum khata vawi khat intlanna siem a ta; in thlahai chenin intlanna suol ta dinga thilinhlân thisen chun kum khatah vawikhat maichâm ta dinga intlanna siempêk a tih, Lalpa kuoma inthiengtak a nih,” tiin.

EZEKIEL 43:20

Chun, chu thisen chu lâng i ta, a kihai pali chun nâl i ta, a rei ki lia le, a tlâng a sîrvêl poa hai le chun; chuongchun, sukthieng i ta, ama ta ding chun intlanna siem i tih.

EZEKIEL 43:22

Chun, a ni hni nia chun suol thilinhlân ding chun kêlchal demkailo inhlân i tih; bawngchal hmanga maichâm sukthieng a ni ang bawk khan, maichâm chu sukthieng nîng a tih.

EZEKIEL 45:19

thiempu chun suol thilinhlâna thisen chu lâng a ta, chu in kawtkhâr bienghaia le, maichâm rei kil lia le, huon sûng tuollai sûngril lem dâi kawtkhâr biengahai chun nâl a ta.

LEVI DÂN 16:16

Chuongchun, Israel mipui inthiengnawna lei dâm, an bawsietnahai lei dâm, an suolnahai lei dâmin hmun inthieng puola dingin intlanna siem a ta; chuong ang chun, an inthiengnawna laia chêng intuokna puon in puola ding khawmin siem a tih.

LEVI DÂN 16:17

Hmun inthienga intlanna siem dinga a lût lai chun, ama le a sûnghai le Israel mipuihai puola intlanna a siem zoa a hung suok nâwk hmakhat chun, tukhawm intuokna puon in sûnga chun an um ding a ni nawh.

LEVI DÂN 4:18

Chun, thisen aṭhen chu intuokna puon inah Lalpa hmaah maichâm kia chun nâl a ta, thisen la um po chu intuokna puon in kawtkhâr kâwlah pumrawhmang thilinhlânna maichâm bula chun a bunthlâk ding a nih.

LEVI DÂN 4:25

Chun, thiempu chun suol inthâwina thisen chu a kutpârin tlâwmte lâng a ta, pumrawhmang thilinhlânna maichâm kihaia chun nâl a ta, pumrawhmang thilinhlânna maichâm bula chun a thisen la um po chu a bunthlâk ding a nih.

LEVI DÂN 4:7

Chun, thiempu chun a ṭhen chu Lalpa hmaah, intuokna puon ina riminhniktak maichâm kihaia chun thisen chu tlâwmte nâl a tih; chun, bâwngchal thisen la um po chu intuokna puon in kawtkhâr kâwla pumrawhmang thilinhlânna maichâm bula chun a bunthlâk ding a nih.

NAMBAR 28:22

chun, in ta dinga inremna siemna dingin suol thâwina dingin kêlchal pakhat.

JOHAN 17:19

Anni leiin kân sukthieng a nih, anni khawm thutaka an inthieng theina dingin.

HEBRAIHAI 2:11

A sukthiengtu le a isukthienghai chu an rêngin Mi pakhata suok an ni si a; chuleiin, ama chun anni chu “Unauhai,” ti ân zak naw a: