LEVI DÂN 15:31 - Pathien Lekhabu Inthieng (BSI)

³¹ “Hieng ang hin Israel mipuihai chu an inthiengnawnaa inthawk chu i sukthieng ding a nih, anni laia ka biekbûk um chu an sukpawrche châng khawma, an pawrchena leia an thi nawna dingin,” tiin.

LEVI DÂN 15:31 ပူးပေါင်းရင်းမြစ်များ

INPÂKNA HLABU 66:18

Ka lungrila suolna ka ngaisak chun, Lalpa chun mi ngaisak naw nih.

EZEKIEL 23:38

Chu naw khawm chu hi hi ka chungah an thaw bawk a; a ni pângngaia ma chun ka hmun inthieng chu an sukpawrche a, ka châwlnihai khawm chu an lo bawsiet ta a.

EZEKIEL 36:17

“Mihriem naupa, Israel sûngkuo chu anni ram ngeia an chêng lai khan, an thil thawhai le an lampuihai chun an sukpawrche a; an lampui chu ka kuoma chun nuhmei ân siehran laia ân thieng nawna ang chu a nih.

EZEKIEL 44:23

Ka mihai chu thil inthieng le thil narânhai inkâra danglamnahai chun inchûktir an ta, thil thieng le thieng naw chu an inhriet ṭhentir ding a nih.

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni che a, kei khawma lunginsietna nei bawk naw ning che.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

LEVI DÂN 11:47

a thieng le thiengnaw thlierna ding le, thilhring fâk thei mi le fâk theilo mi thlierna dingin,’ ti rawh,” tiin.

LEVI DÂN 13:59

“Hi hi silfên, sahmul amanih, puonzai inhmi amanih, khâwng amanih, phier amanih, savuna siem thil hrim hrimhaia inphârna hri uma, ân thieng le ân thiengnaw puongna dân ding chu a nih,” tiin.

LEVI DÂN 15:32

“Hi hi thilpûthai le pawrchena khawpa inpâwlna chi suokhai ta dinga dân chu a nih;

LEVI DÂN 19:30

Ka châwlnihai chu in inser ding a na, ka hmun inthieng chu in inza ding a nih: Kei hi Lalpa in Pathien chu ka nih.

LEVI DÂN 20:3

Kei khawmin ka hmun inthieng sukpawrche ding le, ka hming inthieng sukpawrche dinga a rîla ra Molek a pêk leiin, chu mi chunga chun ka hmai sukthim ka ta, a chipuihai laia inthawk chu sukbohmang ka tih.

LEVI DÂN 21:23

amiruokchu, demkaina nei a ni leiin, puonzâr bula manih, maichâm hnaia mani chu hung thei naw ni, ka hmun inthienghai sukpawrche rawi a tih; kei Lalpa anni sukthiengtu chu ka ni si a,’ ti rawh,” tiin.

NAMBAR 19:13

Tukhawma tu ruong khawm a thema ân thien naw chun Lalpa biekbûk a sukpawrche a nih; ama chu Israel mihaia inthawka tuithlâr ding a nih; inthienna tui chu a chunga the lo a ni leiin thieng naw a nih, ân thieng nawna chu a chungah a la um a nih.

NAMBAR 19:20

Mi thienglo, inthien lo ruok chun Lalpa hmun inthieng a sukpawrche leiin ama chu pungkhâwmhai laia inthawka tuithlâr ding a nih; inthienna tuia the lo a na, thienglo a nih.

NAMBAR 5:3

a nuhmei a pasalin i sie suokin riebûk puoah i sie ding a nih; a lai taka ka umna hlak an riebûk chu an sukpawrche nawna dingin,” tiin

1 KORINTH 3:17

Tûkhawmin Pathien in chu a sukkhawhlo chun Pathienin ama chu sukkhawhlo vêng a tih, Pathien in chu ân thieng si a, chu in chu nangni in nih.

DÂN PAHNINA 24:8

“Phâr hri chungchâng thua chun, nguntaka dap suok a, thiempu Levi mihai inchûktir dân ang peia thaw dingin fîmkhur ro; anni thu ka pêk angin fîmkhurtakin in thaw ding a nih.

HEBRAIHAI 10:29

Pathien Naupa sirde a, thuthlung thisen ama sukthiengna thil narâna ruota, lunginsietna Thlarau suknuortu chu, chu mi chu ieng anga hremna nasa lem tuor tlâka ruot ni dingin am in ngai a?

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

1 SAMUEL 3:14

Chuleiin, Eli sûngkuo kuoma chun Eli sûnghai bawsietna chu inthâwinain amanih, thilinhlânin amanih iengtika khawm sukkieng thei ni naw nih, tiin ṭawng kân khâm tah a nih,” a ta.