LEVI DÂN 15:13 - Pathien Lekhabu Inthieng (BSI)

¹³ “Chun, thilpût neitu chu a thilpût chu sukthieng a ni chun, ân thienna dingin ni sari inbituk a ta, a puonhai sâwp a tih; chun, vadung tuiah insil a ta, hung inthieng a tih.

LEVI DÂN 15:13 ပူးပေါင်းရင်းမြစ်များ

FESUOKNA 29:35

Chuong ang chun Aron le a naupasalhai chungah, thu ka pêk che po po ang tak khan i thaw ding a na; ni sari sûng anni chu i hlânthieng ding a nih,

FESUOKNA 29:37

Maichâm ta dingin ni sari sûng chu intlanna siem i ta, chun, inhlân i tih; chun, maichâm chu inthiengtak hung nîng a ta, maichâm tâwk taphawt chu inthieng ni tâng an tih.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

LEVI DÂN 14:10

“Chun, ni riet ni chun berâmte a chal pahni demkailo le berâmte a la pakhat, demkailo kum khat mi le, fâkmi thilinhlân dinga beiphit inditak epha hmun sâwma ṭhea hmun thum hrieka hmet le hriek limlai khat a chawi ding a nih.

LEVI DÂN 14:8

Chun, ân thien ding chun a puonhai sâwp a ta, invaw fai vawng a ta, ân sil ding a nih; chuongchun, inthieng hung nîng a ta; chu zo chun riebûkah fêng a ta, amiruokchu, a puon in puoa chun ni sari a um ding a nih.

LEVI DÂN 15:28

Amiruokchu, a thipût chu ân thieng ta chun, ni sari sûng inbituk a ta, chu hnunga chun hung inthieng tâng a tih.

LEVI DÂN 15:5

Tukhawm a khum chu va tâwk taphawt chun an puonhai sâwp an ta, an insil ding a nih; chuongchun, zântieng chen chun inthiengnaw nîng an tih.

LEVI DÂN 8:33

In inhlân thieng nihai a kim hmakhat chun, ni sari sûng chu intuokna puon in kawtkhâra inthawk chun suok naw tawp ro, hi inhlân thiengna hin ni sari sûng a aw ding a ni si a.

LEVI DÂN 9:1

A ni riet ni chun Mosie chun Aron le a naupasalhai le Israel upahai chu a ko a;

NAMBAR 12:14

Chun, Lalpain Mosie kuomah, “A pain a hmaia chil a sâk ngawt khawma ni sari chu ân zak naw ding am a nih? Riebûk puoah ni sari khum hmang ni sienla, chu zoa chun ṭhuoi lût nâwk ni raw se,” a ti a.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

JAKOB 4:8

Pathien hnai ro, chuongchun, amain hnai a ti cheu. Mi suolhai, in kuthai sâwpfai ro, lungril bulbâl nei nawhai, in lungrilhai sukthieng ro.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,