LEVI DÂN 14:8 - Pathien Lekhabu Inthieng (BSI)

⁸ Chun, ân thien ding chun a puonhai sâwp a ta, invaw fai vawng a ta, ân sil ding a nih; chuongchun, inthieng hung nîng a ta; chu zo chun riebûkah fêng a ta, amiruokchu, a puon in puoa chun ni sari a um ding a nih.

LEVI DÂN 14:8 ပူးပေါင်းရင်းမြစ်များ

2 CHANCHIN SUINA 26:21

Chuongchun, lal Uzzia chu a thi ni chen chun ân phâr ta a; ân phâr leiin in hranah a um a; Lalpa ina inthawk chun tuithlâr a ni ta si a; a naupa Jotham chu lal in enkawltu, ram sûnga mipuihai rorêltu a hung ni ta a.

FESUOKNA 19:10

Lalpa chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:14

Mosie chu tlânga inthawk chun mipui kuomah a fe thla a, mipui chu a sukthieng a, an silfênhai chu an sâwp ta a.

LEVI DÂN 11:25

tukhawm hieng ruonghai latuhai chun an puonhai an sâwp ding a na, zântieng chenin inthiengnaw nîng an tih.

LEVI DÂN 14:20

chun, thiempu chun pumrawhmang thilinhlân le fâkmi thilinhlân chu maichâma chun inhlân a ta, thiempu chun intlanna siempêk a tih; chuongchun, inthieng hung ni tâng a tih.

LEVI DÂN 14:9

Chun, a ni sari ni chun a lu sam po po le a khâkhmul le, a mitkho hmul dâm vâw kawl a ta, a hmul po po chu vâw fai vawng a ta; chun, a puonhai sâwp a ta, ân sil ding a nih; chuongchun, inthieng hung ni tâng a tih.

LEVI DÂN 15:13

“Chun, thilpût neitu chu a thilpût chu sukthieng a ni chun, ân thienna dingin ni sari inbituk a ta, a puonhai sâwp a tih; chun, vadung tuiah insil a ta, hung inthieng a tih.

LEVI DÂN 8:6

Mosie chun Aron le a naupasalhai chu a hung ṭhuoi a, ân siltir a.

NAMBAR 6:9

A kâwlah mi hung thi ta thutin, ân suktumna lu chu lo sukpawrche ta ang sienla, a inthien ni, a ni sari ni chun a lu chu a vaw ding a nih.

NAMBAR 8:7

Anni chu sukthieng dingin hieng ang hin i thaw ding a nih; an chungah intlêng faina tui infar la, an taksa po po chu invâwtir la; an puonhai insâwptir la, insukthiengtir rawh.

DÂN PAHNINA 21:12

in inah ṭhuoi in ta, an lu vâwng an ta, an tin tan an tih.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.