LEVI DÂN 14:22 - Pathien Lekhabu Inthieng (BSI)

²² chun, vaṭhu tuok khat amanih, pârvate tuok khat amanih, a nei thei lem lem chu pakhat chu suol inthâwina ding, a dang chu pumrawhmang thilinhlân dingin.

LEVI DÂN 14:22 ပူးပေါင်းရင်းမြစ်များ

INPÂKNA HLABU 68:13

Vaṭhu thla tangkaruoa tuoma, A thla hmawr khawm rângkachak engtaka tuom angin, Berâm huon kârahai dâm i zâl ding am a nih?

HLAHAI HLA 2:14

Aw ka vaṭhu, lungpui kawi kârahai chun chêng a, Ṭênbaram kuokârhaia um, I hmêl mîn hmutir la, i râwl mîn hriettir rawh; I râwl chu ân nêm a, i hmêl hlak ngaino a bei si a.

ISAI 38:14

Pelêu amanih, vakâwl amanih angin kân hrâm kân hrâm a, Vaṭhu angin kân rûm kân rûm a, chungtieng thlîrnain ka mit ân vai zo tah. Aw Lalpa, nêksâwra ka um hi, nang chun a bul mi tumpêk la.

ISAI 59:11

Savawmhai angin ei rêngin ei inhûk dur dur hlak a; vaṭhuhai angin nasatakin ei in ṭuk rût rût hlak; rorêlna ei nghâk hlak a, nisienlakhawm, a um dêr si naw a; sandamna ei nghâk hlak a, nisienlakhawm, einia inthawka hlatakah a um hlak.

JEREMIA 48:28

“Aw Moab hluotuhai, khawpuihai chu mâksan unla, râwlahai chun va chêng ro; pûk bau sîra a bu septu vâṭhu ang chu ni ro.

EZEKIEL 7:16

Nisienlakhawm, chutaka lo suokthleng chu suokthleng an ta, vaṭhu angin tlângahai chun um an ta, an rêng el chun sûn an tih, mi tinin mâni suolna seng chu.

LEVI DÂN 14:21

“Chun, mi pasie a ni a, chuong ang chu a tlin naw chun, berâmte a chal pakhat bawsiet inthâwina ding, intlanna siempêkna ding thên ding le, fâkmi thilinhlân dingin beiphit inditak epha hmun sâwma ṭhea hmun khat, hrieka chawkpawl, hriek limlai khat leh chawi a ta;

LEVI DÂN 14:24

Chuongchun, thiempu chun bawsiet inthâwina berâmte le hriek limlai khat chu lâng a ta, thêna thilinhlân dingin Lalpa hmaah thiempu chun thên a tih.

LEVI DÂN 15:14

A ni riet ni chun vaṭhu tuok khat amanih, parvate tuok khat amanih chawiin Lalpa hmaa intuokna puon in kawtkhâr bula chun hung a ta, thiempu chu a pêk ding a nih.

LEVI DÂN 5:7

“A neiin berâmte chu a tlin naw ruok chun, Lalpa kuoma inhlân dingin, a suol thaw ta leia bawsietna inthâwina dingin; vaṭhu pahni amanih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

NAMBAR 6:10

Chun, ni riet ni chun intuokna puon in kawtkhârah thiempu kuomah vaṭhu tuok khat amanih, pârvate tuok khat amanih a hung chawi ding a nih.