LEVI DÂN 14:21 - Pathien Lekhabu Inthieng (BSI)

²¹ “Chun, mi pasie a ni a, chuong ang chu a tlin naw chun, berâmte a chal pakhat bawsiet inthâwina ding, intlanna siempêkna ding thên ding le, fâkmi thilinhlân dingin beiphit inditak epha hmun sâwma ṭhea hmun khat, hrieka chawkpawl, hriek limlai khat leh chawi a ta;

LEVI DÂN 14:21 ပူးပေါင်းရင်းမြစ်များ

JOB LEKHABU (THE BOOK OF JOB) 34:19

Lalnauhai khawm inza biklo, Hausahai khawm mi rimsi nêka ngaisâng chuong lotu chu? An rêngin a kutsuokhai an ni si a.

THUVARHAI 17:5

Tukhawm mi pasie nuisan chun a siemtu a hmusit a nih. Vângduoina diriemtu chu hrem lo ni naw nih.

THUVARHAI 22:2

Mi hausa le mi pasie chu an intuok a, An rênga anni siemtu chu Lalpa a nih.

EZEKIEL 46:7

bu thilinhlân ding chu buotsai a ta, bâwngchal ding chun epha khat, berâmchal ding chun epha khat bawk; chun, berâmtehai ta ding chun ân hlân thei ang tâwk tâwk nîng a ta; chun, ephaa chun hriek hin khat a ṭhang pei ding a nih.

LEVI DÂN 1:14

“Lalpa ta dinga a thilinhlân chu vate tieng pumrawhmang thilinhlân a ni chun, a thilinhlâna chun, vaṭhuhai amanih, pârvate amanih ân hlân ding a nih.

LEVI DÂN 12:8

Chun, a neiin berâmte a tlin naw chun, vaṭhu tuok khat amanih, pârvate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuongchun, inthieng ni tâng a tih,’ tiin hril rawh,” tiin.

LEVI DÂN 14:10

“Chun, ni riet ni chun berâmte a chal pahni demkailo le berâmte a la pakhat, demkailo kum khat mi le, fâkmi thilinhlân dinga beiphit inditak epha hmun sâwma ṭhea hmun thum hrieka hmet le hriek limlai khat a chawi ding a nih.

LEVI DÂN 14:22

chun, vaṭhu tuok khat amanih, pârvate tuok khat amanih, a nei thei lem lem chu pakhat chu suol inthâwina ding, a dang chu pumrawhmang thilinhlân dingin.

LEVI DÂN 27:8

Amiruokchu, i ruot nêka a lo pase chun, thiempu kuoma ṭhuoi ding nîng a tih, thiempu chun lo ruot a tih; thutiemtu thei ang tâwk tâwk thiempu chun lo ruot a tih.

LEVI DÂN 5:11

Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

LEVI DÂN 5:7

“A neiin berâmte chu a tlin naw ruok chun, Lalpa kuoma inhlân dingin, a suol thaw ta leia bawsietna inthâwina dingin; vaṭhu pahni amanih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

LUKA 6:20

Chun, a dâk suok a, a închûktirhai chu a en a, “Nangni rimsihai, in hamṭha ie, Pathien ram in ta a ni si a.

2 KORINTH 8:12

Inzona chu a um phawt chun, mi a nei naw sa ni lovin, a neizie ang peia a pêk chu lâwm tlâk a ni si a.

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.