LEVI DÂN 13:6 - Pathien Lekhabu Inthieng (BSI)

⁶ Chun, thiempu chun ni sari ni chun en nâwk a ta; hri chu a lo duk a, vuna chun a lo indar lien naw chun, thiempu chun ân thieng a nih ti puong a tih; inkhir el a ni a, a puonhai sâwp a ta, inthieng hung ni tâng a tih.

LEVI DÂN 13:6 ပူးပေါင်းရင်းမြစ်များ

1 LALHAI 8:38

i mi Israelhai po po laia mâni lungrila hri uma hre a, hi in tieng hi nghaha kut hung phar taphawthaiin ṭawngṭaina le hnina an hung inhlân hrim hrim chu,

1 LALHAI 8:45

an ṭawngṭaina le an hnina chu nangin vâna inthawkin lo ngai la, a chungthuah hung châng rawh.

INPÂKNA HLABU 19:12

Tuin am mâni suksuolhai hre thei a ta? Suol inthuphaia inthawk hin mi sukkieng rawh.

THUVARHAI 20:9

Tuin am, “Ka lungril chu ka sukthieng a, Ka suolnaa inthawkin kân thieng tah” ti thei a ta?

THUHRILTU 7:20

Indiktakin, hnuoi chunga hin mi fel thil ṭha thaw a, thil suksuol ngailo an um nawh.

ISAI 42:3

Luong pawr suktan naw ni a, khawnvar phita de rien rien khawm sukmit naw nih; indikna chu ringumtakin phur suok a tih.

LEVI DÂN 11:25

tukhawm hieng ruonghai latuhai chun an puonhai an sâwp ding a na, zântieng chenin inthiengnaw nîng an tih.

LEVI DÂN 11:28

An ruong latuhai taphawt chun an puonhai an sâwp ding a na, zântieng chenin inthiengnaw nîng an tih; in ta dingin thil tirdakum a nih.

LEVI DÂN 11:40

A sa fa taphawt chun an puon sâwp an ta, zântieng chenin inthiengnaw nîng an tih; a ruong latu khawm chun a puonhai a sâwp ding a na, zântieng chenin inthiengnaw nîng a tih.

LEVI DÂN 13:2

“Mi a taksa vun ân vûng amanih, ân khir amanih, a puor amania, a vuna chun inphâr hri ni âwma ân lang chun thiempu Aron kuoma manih, a naupasal thiempuhai pakhat phawt phawt kuoma ṭhuoi ding a nih.

LEVI DÂN 13:5

thiempu chun ni sari ni chun ama chu en a ta, a hri chu a pângngai zinga a hmu a, a hri chu vuna chun a lo indar lien chuong naw chun, ni sari ma khum nâwk a tih.

LEVI DÂN 13:7

Amiruokchu, a inthienna dinga thiempu ân entir hnunga a khir chu vuna chun a lo indar lien chun, thiempu chu ân entir nâwk ding a nih.

LEVI DÂN 14:8

Chun, ân thien ding chun a puonhai sâwp a ta, invaw fai vawng a ta, ân sil ding a nih; chuongchun, inthieng hung nîng a ta; chu zo chun riebûkah fêng a ta, amiruokchu, a puon in puoa chun ni sari a um ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:1

Chun, ringnaa hrât naw mi chu, a ringhlana sawisêl lovin, lâwm lem ro.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

DÂN PAHNINA 32:5

Ṭha nawtakin a chungah an thaw a, a nauhai an ni ta naw an demkaina leiin, Suon bengtlanaw le kâwmaw an nih.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, taksa tieng dânhai chau siem ṭhat hun hmaa dinga ruot chu a nih.

JAKOB 3:2

Thil tamtaka chun ei rêngin ei suol hlak si a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.