LEVI DÂN 12:8 - Pathien Lekhabu Inthieng (BSI)

⁸ Chun, a neiin berâmte a tlin naw chun, vaṭhu tuok khat amanih, pârvate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuongchun, inthieng ni tâng a tih,’ tiin hril rawh,” tiin.

LEVI DÂN 12:8 ပူးပေါင်းရင်းမြစ်များ

LEVI DÂN 1:14

“Lalpa ta dinga a thilinhlân chu vate tieng pumrawhmang thilinhlân a ni chun, a thilinhlâna chun, vaṭhuhai amanih, pârvate amanih ân hlân ding a nih.

LEVI DÂN 12:7

ama chun Lalpa hmaa chun inhlân a ta, intlanna siempêk a tih; chuongchun, a thisen suoknaa inthawk chun sukthieng ni tâng a tih. Hi hi naupasal amanih, naunuhmei amanih neitu ta dinga dân a nih.

LEVI DÂN 13:1

Lalpa chun Mosie le Aron a biek a,

LEVI DÂN 14:21

“Chun, mi pasie a ni a, chuong ang chu a tlin naw chun, berâmte a chal pakhat bawsiet inthâwina ding, intlanna siempêkna ding thên ding le, fâkmi thilinhlân dingin beiphit inditak epha hmun sâwma ṭhea hmun khat, hrieka chawkpawl, hriek limlai khat leh chawi a ta;

LEVI DÂN 14:22

chun, vaṭhu tuok khat amanih, pârvate tuok khat amanih, a nei thei lem lem chu pakhat chu suol inthâwina ding, a dang chu pumrawhmang thilinhlân dingin.

LEVI DÂN 15:14

A ni riet ni chun vaṭhu tuok khat amanih, parvate tuok khat amanih chawiin Lalpa hmaa intuokna puon in kawtkhâr bula chun hung a ta, thiempu chu a pêk ding a nih.

LEVI DÂN 15:15

Chun, thiempu chun suol inthâwina dingin pakhat, pumrawhmang thilinhlâna dingin pakhat chu ân hlân ding a nih; chuongchun, thiempu chun a thilpût thua chun Lalpa hmaah intlanna siempêk a tih.

LEVI DÂN 15:29

A ni riet ni chun vaṭhu tuok khat amanih, pârvate tuok khat amani chawi a ta; intuokna puon in kawtkhâr bulah thiempu a hung pêk ding a nih.

LEVI DÂN 4:26

A thâu po po chu intlanna thilinhlân inthâwina thâu a râw angin maichâma chun a râw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 5:11

Amiruokchu, a neiin vaṭhu pahni amanih, pârva te pahni amani khawm a tlin naw chun, a suol mana dingin a thilinhlânah suol inthâwina beiphit indîtak epha hmun sâwma ṭhea hmun khat hung chawi a ta; hriek a nâl ding a ni naw a, a chungah berâw khawm a sie ding a ni nawh, suol inthâwina a ni leiin.

LEVI DÂN 5:7

“A neiin berâmte chu a tlin naw ruok chun, Lalpa kuoma inhlân dingin, a suol thaw ta leia bawsietna inthâwina dingin; vaṭhu pahni amanih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

MATTHAI 21:12

Chun, Isu Pathien biekina chun a va lût a, biekina iengkhat zawrtuhai le inchawtuhai po po chu a hnawt dawk a, tangka thlengtuhai dawkânhai le vaṭhu zawrhai ṭhungphahai dâm chu a nam thlûkpêk a,

2 KORINTH 8:9

Ei Lalpa Isu Krista lunginsietna chu, a rimsik leia in hung hausak theina dingin, hausa sienla khawm nangni lei ngeiin a lo rimsi ta kha in hriet si a.