LEVI DÂN 11:45 - Pathien Lekhabu Inthieng (BSI)

⁴⁵ In Pathien ni dinga Aigupta rama inthawka ṭhuoitu cheu Lalpa chu ka ni si a; kei kân thieng si a, chuleiin, nangni khawm in inthieng ding a nih.

LEVI DÂN 11:45 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

FESUOKNA 19:10

Lalpa chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

FESUOKNA 20:2

“Lalpa in Pathien, Aigupta ram, suok in nina ina inthawka ṭhuoi suoktu cheu ka nih.

FESUOKNA 22:30

Chuong ang bawk chun i bâwngchalhai, i berâmhai i thaw ding a nih; ni sari chu a pui leh um an ta, ni riet ni chun ka kuomah i pêk ding a nih.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

HOSEA 11:1

Israel chu a naupang lai huna inthawk khan ka hmangai a, Aigupta rama inthawkin ka naupa dinga ka ko suok a nih.

LEVI DÂN 11:44

Kei hi Lalpa in Pathien ka ni si a; chuleiin, insukthieng unla, inthiengin um ro; kei kân thieng si a; hnuoia chêng, bawkinvâk chi a ieng ieng khawma insukpawrche naw ro.

LEVI DÂN 11:46

Hi hi sa le vate le thilhring tuia chêng mi tinrêng le hnuoia bawkinvâk chi tinrênghai chungchânga dân ding chu a nih;

LEVI DÂN 19:2

“Israel thla, mipuihai po po chu hril la, an kuomah, ‘In inthieng ding a nih, kei Lalpa in Pathien hi kân thieng si a.

LEVI DÂN 19:36

Khâina indiktak, bûkna indiktak, epha indiktak, hin indiktak in nei ngei ding a nih: Kei hi Lalpa in Pathien, Aigupta rama inthawka ṭhuoi suoktu cheu ka nih.

LEVI DÂN 20:7

Chuleiin, insukthieng unla inthiengin um ro; Kei hi Lalpa in Pathien chu ka nih.

LEVI DÂN 22:33

Kei hi nangni sukthiengtu in Pathien ni dinga Aigupta rama inthawka ṭhuoi suoktu cheu ka nih: Kei hi Lalpa chu ka nih,” tiin.

LEVI DÂN 25:38

Kei hi Lalpa in Pathien, Kanaan ram pe ding cheu le, in Pathien ni dinga Aigupta rama inthawka ṭhuoi suoktu cheu ka nih.

LEVI DÂN 26:45

amiruokchu, an Pathien ka ni theina dinga, hnam tinhai mithmua Aigupta rama inthawka ka ṭhuoi suok, an thlatuhai le thuthlung chu, anni lei hin hre zing lem ka tih: Kei hi Lalpa chu ka nih,’ ti rawh,” tiin.

NAMBAR 15:40

ka thupêkhai po po chu in hriet zing a, in zâwm a, in Pathien ta dinga in inthieng theina dingin a nih.

1 THESSALONIKA 4:7

Pathienin inthieng naw dingin a mi ko si naw a, inthieng dingin a mi ko lem a nih.

JOSUA 24:19

Josua ruok chun mipuihai kuoma chun, “Lalpa rawng chu bâwl thei naw ti niu, ama chu Pathien inthieng a ni si a; Pathien thîkthusie a na, in bawsietna dâm le in suolnahai chu ngaidam naw ni.

1 PETER 1:16

“Nangni in inthieng ding a nih, kei kân thieng si a,” ti ziek ang khan.

1 SAMUEL 2:2

Lalpa anga inthieng hi an um nawh; Nangma ang hrim an um si nawh; Ei Pathien ang lungpui hrim a um bawk nawh;

1 SAMUEL 6:20

Beth-semes khuoa mihai chun, “Hi Pathien inthieng Lalpa hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.