LEVI DÂN 10:16 - Pathien Lekhabu Inthieng (BSI)

¹⁶ Mosie chun suol inthâwina kêl chu nguntakin a zawng a; chun, ngai ta, an lo râw zo dêr tah a na; chuongchun, Aron naupasal la dam Eleazar le Ithamar chunga chun a lunginsen a,

LEVI DÂN 10:16 ပူးပေါင်းရင်းမြစ်များ

EZRA 7:5

Abisua naupa, Phinehas naupa, Eleazar naupa, Aron thiempu laltak naupa:

LEVI DÂN 6:17

Chawl ṭhanga em ding a ni nawh. Mei hmanga ka thilinhlân an chanvo dinga ka thilpêk a nih; chu chu suol inthâwina le bawsiet inthâwina ang bawkin thil inthiengtak a nih.

LEVI DÂN 6:26

Suol inthâwina inhlântu thiempu chun fâng a ta; intuokna puon in tuolah, hmun inthiengah a fâk ding a nih.

LEVI DÂN 6:30

Suol inthâwina, a thisen, hmun inthienga intlanna siemna dinga intuokna puon ina hung lâk ruok chu fâk ding a ni naw a; râw el ding a nih.

LEVI DÂN 9:15

Chun, mipuihai thilinhlân chu ân hlân a; mipuihai ta dinga suol inthâwina kêl chu a kei a, a that a, a hmaa mi ang bawk khan suol inthâwina ding chun ân hlân a.

LEVI DÂN 9:3

Chun, Israel mipuihai kuoma chun, ‘Suol inthâwina dingin kêlchal, pumrawhmang thilinhlân dingin bâwngte le berâmte kum khat mi ve ve demkailo ṭhieu,

NAMBAR 12:3

Mosie chu hnuoi chunga mihriem po poa zainêm tak a na.

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmangnabopa’ ti taphawt chu rorêlna hmabâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

MARKA 10:14

Nisienlakhawm, Isûn chu chu a hmuin a lung a ni naw bêk bêk a, an kuoma chun, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni si a.

MARKA 3:5

Chun, an lungril ngar zie chu pawitipêk bêk bêkin, lungsen puma anni a en vêl hnungin, chu mipa kuoma chun, “I kut phar rawh,” a ta. Chun, a hang phar dawk a, a kut chu a dam ta a.

EPHESI 4:26

Lunginsen unla khawm a suol ruok chu suol naw ro; in lungsen chu nisain tlâkpui naw raw se: