LEVI DÂN 10:11 - Pathien Lekhabu Inthieng (BSI)

¹¹ Lalpain Mosie hmanga an kuoma a hril, thupêkhai po po chu Israel mipuihai în chûktir theina dingin nîng a tih,” tiin.

LEVI DÂN 10:11 ပူးပေါင်းရင်းမြစ်များ

2 CHANCHIN SUINA 15:3

Chuongchun, hun sâwttak el chu Israel ram chu Pathien indiktak bo, inchûktirtu thiempu le dân boin an lo um ta a;

2 CHANCHIN SUINA 17:9

Lalpa dân lekhabu chu chawiin, Juda rama chun an inchûktir ta a; chuongchun, Juda ram khawpuiahai po po chun an fe lâwn a, mipuihai chu an inchûktir ta a.

2 CHANCHIN SUINA 30:22

Lalpa rawngbâwlna sina thiemtaka thaw Levi mihai kuoma chun Hezekia chun thlamuonna thu a hril a. Chuongchun, ni sari sûng chu inremna thilinhlânhai chu inhlânin le, Lalpa an thlatuhai Pathien kuoma chun thupha chawina siemin, ruoiṭhe sûng po po chun an fâk a.

NEHEMIA 8:2

Chuongchun, thla sarina, ni khat niin thiempu Ezra chun pungkhâwmhai nutling, patling le a hrethiem thei chin po po hmaa chun Dân chu a hung chawi a.

NEHEMIA 8:8

Chun, Lekhabu Pathien Dân bua mi chu fietakin an tiem a; a umzie an hrilfie a, chuongchun, an tiem chu an inhriettir pei a.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 2:8

Thiempuhai khawm chun, “Lalpa kha khaw lai am a um a?” khawm an ti naw a; dân hmangtuhai hlak chun an mi hriet bawk nawh: rorêltuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

THILTHAWHAI 20:27

Pathien thiltum po po arêngin in kuoma hril kân tîm naw a.

DÂN PAHNINA 17:10

Lalpain hmun a la ruot dinga inthawka thu sukthlûk dân ding an lo khîkhmu ang cheu chun thâwng in ta, an inchûktir ang pei cheu chun fîmkhurtakin in thaw ding a nih.

DÂN PAHNINA 17:11

An thu tlûkna an lo khîkhmu cheu chun changtienga manih, vawitienga manih in pêtsan ding a ni nawh.

DÂN PAHNINA 24:8

“Phâr hri chungchâng thua chun, nguntaka dap suok a, thiempu Levi mihai inchûktir dân ang peia thaw dingin fîmkhur ro; anni thu ka pêk angin fîmkhurtakin in thaw ding a nih.

DÂN PAHNINA 33:10

Jakob mihai chu i rorêlhai chu inchûktir an ta, Israelhai chu, i dân, I hmaah riminhnik sieng an ta, I maichâmah pumrawhmang thilinhlân inhlân an tih.

1 THESSALONIKA 4:2

Lalpa Isu zâra chun ieng thuhai am kan pêk cheu kha in hriet si a.