LEVI DÂN 1:4 - Pathien Lekhabu Inthieng (BSI)

⁴ Pumrawhmang thilinhlân lu chunga chun a kut innghat a ta; chuongchun, a ta dingin intlanna siemna dingin pawmpêk ning a tih.

LEVI DÂN 1:4 ပူးပေါင်းရင်းမြစ်များ

FESUOKNA 28:38

Aron bâwk chunga chun a um ding a na. Aron chun Israel mihaiin thilpêk inthienga an pêk thil inthienghaia suolna um phawt chu phur a tih: Lalpa hmaa pawm a ni theina dingin a bâwka chun a um zing ding a nih.

FESUOKNA 29:10

Intuokna puon in tuola chun bâwngchal ṭhuoi i ta, Aron le a naupasalhai chun bâwngchal lu chunga chun an kut innghat an tih.

FESUOKNA 29:15

Berâmchal pakhat chu la bawk i ta, Aron le a naupasalhai chun berâmchal lu chunga chun an kuthai innghat an tih.

FESUOKNA 29:19

“Chun, berâm chal dang pakhat chu lâng i ta, Aron le a naupasalhai chun berâmchal lu chunga chun an kuthai innghat an tih.

FESUOKNA 29:33

Chuong thil intlanna siemnahai chu anni inhlânna le hlânthiengna dingin fâng an tih, amiruokchu, thil inthieng an ni leiin mi dang chun a fâk ve ding a ni nawh.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

EZEKIEL 45:15

chun, berâm ruol za hni peiah berâm pakhat, Israel ram hlopetna hmun ṭhataka inthawkin, bu thilinhlâna ding le, pumrawhmang thilinhlâna ding le, inremna thilinhlâna dinga an ta dinga intlanna siempêk dingin pêk nîng a tih, Lalpa Pathien chun a tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

LEVI DÂN 16:21

Aron chun kêl hring lai lu chunga chun,a kut a khing pahniin innghat a ta, a chunga chun Israel mipuihai rîtlonahai po po, an bawsietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.

LEVI DÂN 16:24

hmun inthienga chun insil a ta, a silfên inbel a ta, suok a ta, ama puola pumrawhmang thilinhlân le mipui puola pumrawhmang thilinhlân chu inhlân a ta, ama le mipuihai ta dingin intlanna siem a tih.

LEVI DÂN 22:21

Tukhawmin thutiem sukpuitling dingin amanih, mâni nuomthua thilinhlâna dingin amanih, Lalpa kuoma inremna thilinhlâna dinga, ran ruol laia amanih, berâm ruol laia mi amanih ân hlân chun, pawm tlâk a ni theina dingin demkai dêrlo a ni ding a nih; demkaina hrim a um ding a ni nawh.

LEVI DÂN 22:27

“Bâwngchal amanih, berâm amanih, kêl amanih a hung piengin, a pui kuomah ni sari a um ding a nih; ni riet nia inthawka hnung tieng chun Lalpa kuoma mei hmanga thilinhlânah pawm thei nîng a tih.

LEVI DÂN 3:13

a lu chunga chun a kut innghat a ta, intuokna puon in tuola chun a that ding a nih; chun, Aron naupasalhai chun maichâm chu thisen chun an the huol ding a nih.

LEVI DÂN 3:2

A thilinhlân lu chunga chun a kut innghat a ta, intuokna puon in kawtkhâr bula chun that a ta; chun, Aron naupasal thiempuhai chun maichâm chu thisen chun an the huol ding a nih.

LEVI DÂN 3:8

a thilinhlân lu chunga chun a kut innghat a ta, intuokna puon in tuola chun that a ta; Aron naupasalhai chun maichâm chu thisen chun an the huol ding a nih.

LEVI DÂN 4:15

Chun, pungkhâwmhai laia upahai chun Lalpa hmaah bâwng lu chunga chun an kuthai innghat an ta, bâwng chu Lalpa hmaa chun that ding a nih.

LEVI DÂN 4:20

Chuong ang chun bâwng chu thâwng a ta; suol inthâwina bâwng a thaw ang charin hi khawm hi a thaw ding a nih; chun, thiempu chun intlanna siempêk a ta, ngaidam ni tâng an tih.

LEVI DÂN 4:24

kêl lu chunga chun a kut innghat a ta, Lalpa hmaa pumrawhmang thilinhlân an thatna hlaka chun a that ding a nih; chu chu suol inthâwina a nih.

LEVI DÂN 4:26

A thâu po po chu intlanna thilinhlân inthâwina thâu a râw angin maichâma chun a râw ding a nih; chun, a suol chungchâng thua chun thiempu chun intlanna siempêk a ta, ngaidam nîng a tih.

LEVI DÂN 4:29

Suol inthâwina ding lu chunga chun a kut innghat a ta, pumrawhmang thilinhlânna hmuna chun suol inthâwina chu a that ding a nih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 4:33

Suol inthâwina lu chunga chun a kut innghat a ta, pumrawhmang thilinhlân an thatna hmuna chun suol inthâwina dingin a that ding a nih.

LEVI DÂN 4:35

A thâu po po chu, berâmte thâu intlanna thilinhlân inthâwinaa mi lâk angin la vawng a ta; chun, thiempu chun Lalpa ta dinga mei hmanga thilinhlân angin maichâmah a râw ding a nih; chun, thiempu chun a thil suksuol ta chungchânga chun intlanna siempêk a ta, ngaidam nîng a tih.

LEVI DÂN 4:4

Bâwng chu intuokna puon in kawtkhâr bulah Lalpa hmaa chun hung kei a ta, a lu chungah a kut innghat a ta, Lalpa hmaah bâwng chu a that ding a nih.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol inthâwinaa hmang dingin Lalpa kuomah hung chawi a ta; thiempu chun a suol leia intlanna siempêk a tih.

LEVI DÂN 6:7

chun, thiempu chun Lalpa hmaah intlanna siempêk a ta, ngaidam nîng a tih, thiemnaw changna dinga thil a thaw taphawthai chungchânga chun,” tiin.

LEVI DÂN 8:14

Chun, suol inthâwina ding bâwngchal chu a hung kei a, Aron le a naupasalhai chun, suol inthâwina ding bâwngchal lu chunga chun an kut an innghat a.

LEVI DÂN 8:18

Pumrawhmang thilinhlân berâmchal chu a hung inhlân a, Aron le a naupasalhai chun berâmchal lu chunga chun an kut an innghat a.

LEVI DÂN 8:22

Chun, berâmchal dang, hlânthiengna berâmchal chu a hang inhlân nâwk a; Aron le a naupasalhai chun berâmchal lu chunga chun an kut an innghat a.

LEVI DÂN 9:7

Chun, Mosie chun Aron kuomah, “Maichâm kha hung hnai la, i suol inthâwina dâm, i pumrawhmang thilinhlân dâm inhlân la; nangma ta ding le mipuihai ta dingin intlanna siem rawh; chun, mipuihai thilinhlân chu inhlân la, intlanna siempêk rawh, Lalpain thu a pêk ta angin,” a ti a.

NAMBAR 15:25

Chun, thiempu chun Israel mipui pungkhâwm po po ta ding chun inremna siem a ta, ngaidam nîng an tih, thawpal a ni lei le, an thilinhlân Lalpa ta dinga meia thilinhlân le an suol aia suol thâwina an inhlân ta leiin.

NAMBAR 15:28

Hre lova Lalpa hmaa suksuoltu ta ding chun thiempu chun inremna a siem ding a nih; chuongchun, ngaidam nîng a tih.

NAMBAR 25:13

ama le a hnunga a thlahai ta dingin kumkhaw thiempu nina thuthlung nîng a tih; a Pathien ta dingin a thîk a, Israel mihai ta dinga inremna a siem leiin, ti rawh,” tiin.

NAMBAR 8:10

chun, Levi mihai chu Lalpa hmaah i hung ṭhuoi pha chun; Israel mihaiin Levi mihai chunga chun an kuthai innghat an ta,

NAMBAR 8:12

Levi mihai chun bâwngchal luahai chun an kut innghat an ta; chun, Levi mihai ta dinga inremna siemna dingin, pakhat chu suol thâwina dingin, pakhat chu pumrawhmang thilinhlâna dingin Lalpa kuomah în hlân ding a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:25

Pathienin ama felzie inentir dingin Krista Isu chu a thisen ringnaa suol thuphachawina dingin a ruot a. Pathien zaidawtheinain inhmaa suolnahai chu hriet naw tehlêm a thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:11

Chuong chau khawm chu a ni naw a, inremna tuta a mîn hmutirtu ei Lalpa Isu Krista lei chun Pathienah ei lâwm bawk a nih.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

HEBRAIHAI 10:4

Bâwngchalhai le kêlhai thisen chun suolhai sukbo thei ruol a ni si naw a.

1 JOHAN 2:2

Ama chu ei suolhai thuphachawina a nih; eini suol chau ni lovin, khawvêl po po suol thuphachawina khawm a nih.