LEVI DÂN 1:17 - Pathien Lekhabu Inthieng (BSI)

¹⁷ A thla le a thla inkârah thlêr a ta, a puma thlêr suok ruok chu ni lovin; chun, thiempu chun maichâmah, mei chunga thinga chun a raw ding a nih; chu chu Lalpa ta dinga riminhniktak, mei hmanga thilinhlân, pumrawhmang thilinhlân a nih.

LEVI DÂN 1:17 ပူးပေါင်းရင်းမြစ်များ

INṬANNA 15:10

Chuongchun, chuong po po chu a hung lâk a, a laitakah a khawi seng a, a her pakhat chu a her khingtieng zâwna chun a sie seng a, vatehai ruok chu a khawi ve naw a.

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

INPÂKNA HLABU 16:10

Ka thlarau chu Seol kuomah i mâksan âwm si naw a, I mi inthieng hi hmawnna hmu i phal âwm bawk si naw a.

LEVI DÂN 1:13

a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 2:2

chun, Aron naupasal thiempuhai kuomah fepui a ta; chutaka beiphit indîtak vei khat, hriek le beraw po po le chun la suok a ta; chun, thiempu chun hrietzingna dingin maichâma chun râwng a ta; chu chu Lalpa ta dinga lâwmtlâk riminhnik, mei hmanga thilinhlân a nih.

LEVI DÂN 3:5

Chun, Aron naupasalhai chun maichâmah meia thing um chunga pumrawhmang thilinhlân chunga chun râwng an ta; chu chu Lalpa ta dinga rim inhniktak mei hmanga thilinhlân a nih.

LEVI DÂN 5:8

Thiempu kuoma chun hung chawi a ta; ama chun suol inthâwina ding chu inhlân hmasâng a ta, phel lovin a lu chu a rîngah her bawng a ta;

LEVI DÂN 6:14

“Chun, hi hi fâkmi thilinhlân dân chu a nih: Aron naupasalhai chun maichâm bulah Lalpa hmaah an inhlân ding a nih.

LEVI DÂN 8:21

A sûng le a kehai chu a sâwp a; berâmchal chu maichâmah a pum chun a râw vawng ta a; chu chu riminhnik dinga pumrawhmang thilinhlân, Lalpa kuoma mei hmanga thilinhlân chu a nih, Lalpain Mosie thu a pêk ang khan.

LEVI DÂN 9:13

Pumrawhmang thilinhlân sa tlin chu a tum tumin a lu leh an pêk a, ama chun maichâma chun a lo raw a.

NAMBAR 15:3

Lalpa kuomah meia thilinhlân, pumrawhmang thilinhlân amanih, thutiem hlen dinga inthâwina amanih, mâni nuom thua thilinhlân amanih, in Fekân ruoiṭhe hunbia manih, ran ruol laia mi amanih, berâm ruol laia mi amania Lalpa ta dinga riminhnik siem ding amania an inhlân pha chun,

NAMBAR 28:8

Chun, berâmte pakhat chu zântieng în hlân ding a nih; Zântienga beiphit thilinhlân ang le chutaka dâwnmi thilinhlân ang bawk chu Lalpa ta dinga riminhnika dinga meia thilinhlân chu în hlân ding a nih.

MATTHAI 27:50

Chun, Isu chu râwl inringtakin a khêk nâwk a, a thlarau ân thla ta a.

JOHAN 19:30

Chun, Isûn uoin thûr chu a lo dâwn zo chun, “A kin tah,” a ta. A lu a kûn a, a thlarau ân thla ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.