LEVI DÂN 1:13 - Pathien Lekhabu Inthieng (BSI)

¹³ a sûnghai le a kehai ruok chu tuiin sâwp a ta, a pumin thiempu chun inhlân a ta, maichâma chun a raw ding a nih; Lalpa ta dinga riminhniktak, mei hmanga pumrawhmang thilinhlân a nih.

LEVI DÂN 1:13 ပူးပေါင်းရင်းမြစ်များ

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

2 CHANCHIN SUINA 4:6

Insâwpna dingin châwtawl sâwm a siem a, panga chu changtieng pangah a sie a, panga dang chu vawitiengah; chuong thilhai chu pumrawhmang thilinhlânhai kha sâwpnaah an hmang hlak a, tuizêng ruok chu thiempuhai ta dinga insâwpna a nih.

EZEKIEL 40:38

Chun, dâi kawtkhârhaia kawtkhâr bienghai sîra chun pindan le kawtkhârhai an um a; chutaka chun, pumrawhmang thilinhlânhai chu an sâwp hlak.

LEVI DÂN 1:9

a sûnghai le a kehai ruok chu tuiin sâwp an ta; thiempu chun Lalpa ta dinga rim inhniktak, mei hmanga thilinhlân pumrawhmang thilinhlân dingin a pum chun maichâma chun a raw ding a nih.

LEVI DÂN 2:11

“Fâkmi thilinhlân hrim hrim Lalpa kuoma inhlân ding chu chawl ṭhanga siem ding a ni nawh; Lalpa ta dinga mei hmanga thilinhlâna ding chun chawl amanih, khuoizu amanih hrim hrim in râw ding a ni nawh.

LEVI DÂN 2:2

chun, Aron naupasal thiempuhai kuomah fepui a ta; chutaka beiphit indîtak vei khat, hriek le beraw po po le chun la suok a ta; chun, thiempu chun hrietzingna dingin maichâma chun râwng a ta; chu chu Lalpa ta dinga lâwmtlâk riminhnik, mei hmanga thilinhlân a nih.

LEVI DÂN 3:5

Chun, Aron naupasalhai chun maichâmah meia thing um chunga pumrawhmang thilinhlân chunga chun râwng an ta; chu chu Lalpa ta dinga rim inhniktak mei hmanga thilinhlân a nih.

LEVI DÂN 4:31

Chun, a thâu po po chu intlanna thilinhlân thâu an lâk angin la vawng a ta; chun, thiempu chun Lalpa ta dinga rim inhnik ni dingin maichâma chun a râw ding a nih; chun, thiempu chun intlanna chu siempêk a ta, ngaidam nîng a tih.

LEVI DÂN 6:14

“Chun, hi hi fâkmi thilinhlân dân chu a nih: Aron naupasalhai chun maichâm bulah Lalpa hmaah an inhlân ding a nih.

LEVI DÂN 8:21

A sûng le a kehai chu a sâwp a; berâmchal chu maichâmah a pum chun a râw vawng ta a; chu chu riminhnik dinga pumrawhmang thilinhlân, Lalpa kuoma mei hmanga thilinhlân chu a nih, Lalpain Mosie thu a pêk ang khan.

NAMBAR 15:3

Lalpa kuomah meia thilinhlân, pumrawhmang thilinhlân amanih, thutiem hlen dinga inthâwina amanih, mâni nuom thua thilinhlân amanih, in Fekân ruoiṭhe hunbia manih, ran ruol laia mi amanih, berâm ruol laia mi amania Lalpa ta dinga riminhnik siem ding amania an inhlân pha chun,

NAMBAR 15:4

Lalpa kuoma thilinhlân inhlântu taphawtin beiphit thilinhlân, beiphit indi mi epha hmun sâwma ṭhea hmun khat, hriek hin hmun lia ṭhea hmun khata hmet an inhlân ding a nih.

NAMBAR 28:11

In thla thar taphawtah Lalpa ta ding pumrawhmang thilinhlân inhlân ding a nih; bâwngchal tuoi pahni, berâmchal pakhat le berâmte a chal kum khat mi demkailo pasari;

NAMBAR 28:8

Chun, berâmte pakhat chu zântieng în hlân ding a nih; Zântienga beiphit thilinhlân ang le chutaka dâwnmi thilinhlân ang bawk chu Lalpa ta dinga riminhnika dinga meia thilinhlân chu în hlân ding a nih.

DÂN PAHNINA 12:27

Chun, Lalpa in Pathien maichâmah in pumrawhmang thilinhlân chu, a sa le a thisen inhlân in ta, chun in inthâwinahai thisen chu Lalpa in Pathien maichâma chun bun suok in ta, a sa chu fâng in tih.