KOLOSSA 3:24 - Pathien Lekhabu Inthieng (BSI)

²⁴ a thungna rohluo ding chu Lalpa kuoma inthawkin in hmu ding a nih ti hre zingin Lalpa Krista rawng in bâwl a ni hi.

KOLOSSA 3:24 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

THUVARHAI 11:18

Mi khawhlo chun hlaw hmusitumtakhai chu a hlaw a, Felna tutu ruok chun lâwmman indiktak chu a hmu.

MATTHAI 10:41

Tukhawm zâwlnei chu zâwlnei a ni leia lâwm chun, zâwlnei lâwmman hmûng a tih; tukhawm mi fel chu mi fel a ni leia lâwm chun mi fel lâwmman hmûng a tih.

MATTHAI 5:12

“Lâwm unla, nasatakin hlim ro; vânah in lâwmman a um râwn si a; chuong ang bawkin in hmaa zâwlnei umhai khawm an suknawmna hlak kha.

MATTHAI 5:46

A hmangaituhai cheu chau in lunginsiet hin lâwmman ieng am hmûng in ta? Siedâwltuhai khawmin chuong angin an thaw ve a ni naw am a nih?

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:5

“Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

LUKA 14:14

chuongchun, la hamṭhâng i tih; anni chun thungna ding che nei naw ni hai a, chuongchun, mi fel tho nâwk pha chun thungin i um ding a ni si a,” a ta.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr lovin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

THILTHAWHAI 20:32

“Tuhin Pathien kuomah le a lunginsietna thuah kân kawltir cheu, chu chun a siem lien thei cheu a, mi inthienghai lai ro chan ân neitir thei bawk cheu a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:1

Paula, Isu Krista suok, tirko ni dinga ko, Pathien Chanchin Ṭha hril dinga ṭhethlâka um lekha-thawn:

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:18

Tûkhawm, chuong thua Krista rawng bâwl chu, Pathien lâwm zâwng le mihriem inpâkin a um hlak.

1 KORINTH 11:23

Ka thu hril sâwng cheu kha Lalpa kuoma inthawka ka dawng a na; khânga inmantira a um zân khan, Lalpa Isûn, bei a lâk a,

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

1 KORINTH 7:22

Suoka um Lalpaa ko chu Lalpa insuoktir suok a ni si a, chuong ang bawk chun suok ni lova koa um chu Krista suok a nih.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

EPHESI 6:6

Mihriem suklâwmtuhai ang ela mit rawng bâwl lovin, Krista suok anga lungrila Pathien ditzâwng thaw lemin,

EPHESI 6:8

suok ni sienla, suok ni naw sienla khawm, mi tinin thil ṭha an thaw senghai chu Lalpa kuoma inthawkin a ngai bawk hmu nâwk an tih ti hre zing ro.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

HEBRAIHAI 10:35

Chuongchun, in ringna lâwmman pêk nasatak nei ding chu peihâwn naw ro,

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.

1 PETER 1:4

rochan se thei naw, inthieng nawna kai naw, chuoi thei naw, vâna in ta dinga a ikhêk chu hmu dingin.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

JUDA 1:1

Juda, Isu Krista suok le Jakob unau chun: koa um Pa Pathiena dittak, Isu Kristaa vênghima umhai kuoma chun:

RUTH 2:12

Lalpa chun i thilthaw tahai chu thung sienla che, Lalpa, Israelhai Pathien, inhumhimna dinga a thla hnuoi i hung phên chun, i ṭhat man pe ṭeu raw se che,” tiin.