KOLOSSA 3:23 - Pathien Lekhabu Inthieng (BSI)

²³ Iengkim in thaw taphawt chu mihriem ta ding anga thaw lovin, Lalpa ta ding anga thaw lemin, inhâwktakin thaw ro;

KOLOSSA 3:23 ပူးပေါင်းရင်းမြစ်များ

2 CHANCHIN SUINA 31:21

Chun, Lalpa ina rawngbâwlna sin a thaw tinrênga le, dâna le, thupêkahai chun, a Pathien chu zawng dingin lungril po poin a thaw hlak a; a hlawtling ngei a.

INPÂKNA HLABU 103:1

Aw ka hringna, Lalpa chu inpâk la, Ka sûnga um po pohai, a hming inthieng chu inpâk ro.

INPÂKNA HLABU 119:10

Ka lungril po po hin ka zawng che a, Aw, i thupêkhai ka fehmangsan chu phal lul naw rawh.

INPÂKNA HLABU 119:145

Ka lungril po poin ka ko che a, Aw Lalpa, mi dawn rawh; I thuruothai chu ka vawng ṭha ding annâwm.

INPÂKNA HLABU 119:34

Hrietthiemna mi pe la, chuongchun, i dân chu ka vawng ṭha ding annâwm, Anih, ka lungril po po hin zâwm ka tih.

THUHRILTU 9:10

I kutin sinthaw ding a hmu phawt chu i theitâwpin thaw la, i fêna ding thlâna chun varna amanih, hrietthiemna amanih, hlêmna amanih, sinthawna amanih a um ta si naw a.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:6

Ni insertu chun, Lalpa chawimawina dingin ân ser hlak a na. Iengkim fatu chun, Pathien kuomah lâwm thu a hril a, Lalpa chawimawina dingin a fâk hlak a nih; a fa nawtu khawm chun, Pathien kuomah lâwm thu a hril a, Pathien chawimawina dingin a fâk naw hlak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:8

Ei hring chun Lalpa ta dingin ei hring a, ei thi khawmin Lalpa ta dingin ei thi a ni si a; chuleiin, ei hring khawmin ei thi khawmin Lalpa ta ei nih.

EPHESI 5:22

Nuhmeihai, Lalpa kuoma in intuklût ang hin mani pasalhai kuomah intuklût seng ro.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 2:13

Lalpa leiin mihriem ruothai taphawt kuomah intuklût ro, chunghnunga um laltak kuoma manih,

1 PETER 2:15

Hi hi Pathien dit zawng a ni si, mi invêthai thu hril var naw chu thil ṭha thawa in sêldawng hi;