KOLOSSA 3:22 - Pathien Lekhabu Inthieng (BSI)

²² Suokhai, taksaa in hotuhai thu hi iengkimah zâwm ro; mihriem suklâwmtuhai ang ela mit rawng bâwl lovin, lungril hmunkhat puta Lalpa ṭi dêk pumin zâwm lem ro.

KOLOSSA 3:22 ပူးပေါင်းရင်းမြစ်များ

INṬANNA 42:18

A ni thum ni chun Josef chun an kuomah, “Hieng ang hin thaw unla hring in tih, Pathien ka ṭi si a:

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

NEHEMIA 5:9

“In thil thaw hi a ṭha naw tawp el a nih: ei hmêlma, hnam danghai mi hrilsietna lei hin ei Pathien chu ṭia in um a ṭûl a ni naw am a nih?

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma Lalpa kan Pathien kuom tieng a en zing a nih, Keini a mi lunginsiet hmakhat chun.

THUHRILTU 12:13

Hi hi thil tâwp chu a nih; thil po po chu hriet a ni ta a; Pathien ṭî la, a thupêkhai chu zâwm rawh; hi hi mihriem thilthaw ding pumpui chu a nih.

THUHRILTU 5:7

Mang tamtak le, thu tamtakhaia chun teplo tamtak a um a; nang ruok chun Pathien ṭi rawh.

THUHRILTU 8:12

Mi suol chun thil ṭha naw vawi za thawin a dam sûng nihai chu suksei tho sien khawm; matheilovin, Pathien ṭituhai ta ding chun, ama hmaa an ṭi leiin, a ṭha ding a nih ti ka hriet a;

MALAKI 1:6

Sipaihai Lalpa chun in kuomah a hril a, “Aw thiempu, ka hming hmusittuhai, naupa chun a pa ân za a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in ti a.

MATTHAI 6:22

“Taksa khâwnvar chu mit hi a nih; i mit a var chun i taksa a rêngin var suok a tih.

MATTHAI 8:9

Kei khawm mi thua um ka na, ka hnuoiah sipaihai an um a; chu mipa kha mipa chu, ‘Fe rawh,’ ka ti leh a fe hlak; mi dang kuoma khawm, ‘Hung rawh,’ ka ti leh a hung hlak, ka suok kuoma khawm, ‘Ahi thaw rawh,’ ka ti leh a thaw hlak,” tiin a dawn a.

LUKA 6:46

“Chun, nangnîn ieng dinga ka thu zâwm si lova, ‘Lalpa, Lalpa,’ in mi ti hlak am?

LUKA 7:8

Kei khawm mi thua um ka na, ka hnuoiah sipaihai an um a; hi mipa kuoma hin, ‘Fe rawh’ ka ti leh a fe a; mi dang kuoma khawm, ‘Hung rawh’ ka ti leh a hung hlak; ka suok kuoma khawm, ‘Hi hi thaw rawh,’ ka ti leh a thaw hlak,” a ta.

THILTHAWHAI 2:46

Ni tin lungril hmunkhatin Pathien biekina chun ṭhahnemngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

KOLOSSA 3:20

Naupanghai, iengkimah in nu le pahai thu zâwm ro; chu chu Lalpaa chun lâwm a um si a.

1 THESSALONIKA 2:4

Chanchin Ṭha inkawltira um dingin Pathien ṭha tizâwng mi kan ni ang ngeiin, mihriem suklâwm ding ang ni lovin, kan lungril fietu Pathien suklâwm lemin thu kan hril lem hlak a nih.

PHILEMON 1:16

ama chu suok ang ni lova, suok nêka ṭha, unau dittak ang lemin ka ta dingin dittak a ni bîk a, nanga ta ding lem chun tisaa le Lalpaa chun a va ni nâwk zuol âwm de!