KOLOSSA 3:17 - Pathien Lekhabu Inthieng (BSI)

¹⁷ Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

KOLOSSA 3:17 ပူးပေါင်းရင်းမြစ်များ

1 LALHAI 18:32

Chuong lunghai chun Lalpa hmingin maichâm a siem a; maichâm vêl chu bu chi tekhâwng hni inleng ding zet hin a cho khur a.

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

MIKA 4:5

Chi tin mâni pathien hming sengin um an ta, eini khawm Lalpa ei Pathien hmingin kumkhuoin um ei tih.

MATTHAI 28:19

“Chuongchun, fe unla, hnam tina mi inchûktirin siem unla, Pa le, Naupa le, Thlarau Inthieng hming chun baptist unla;

THILTHAWHAI 19:17

Chuongchun, Ephesia um po po, Judahai le Grikhai kuoma chun, chu thu chu ân thang ta a. Chuongchun, an rêngin an ṭi a, Lalpa Isu hming a lien ta a.

THILTHAWHAI 4:30

mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:8

A hmasatakin, khawvêl po poah in ringna thu ân thang leiin in rênga chunga ka lâwm thu, Isu Krista zârah ka Pathien kuomah ka hril a nih.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 5:20

Ei Lalpa Isu Krista hmingin, Pathien, Pa ngei kuoma chun, iengkim chungah lâwmthu hril ro.

PHILIPPI 1:11

Pathien ropuina le inpâkna ding Isu Krista zâra felna ra chun hung sip thei in tih.

PHILIPPI 2:11

Pa Pathien sukropuina dingin, “Isu Krista chu Lal a nih,” tia lei tinrêngin a puongna dingin.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

KOLOSSA 2:7

Amaa zung kei le, rem sâng deu deua umin, an inchûktir ang cheu khan, lâwmthu hrilna hauin, in ringnaa chun dettakin um ro.

KOLOSSA 3:15

Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

KOLOSSA 3:23

Iengkim in thaw taphawt chu mihriem ta ding anga thaw lovin, Lalpa ta ding anga thaw lemin, inhâwktakin thaw ro;

1 THESSALONIKA 1:1

Paula le Silvan le Timothe chun: Pa Pathien le Lalpa Isu Kristaa Thessalonikaa kohranhai kuomah: Lunginsietna le inremna in kuomah um raw se.

1 THESSALONIKA 5:18

iengkimah lâwmthu hril rawp ro; chu chu nangni tieng thuah Krista Isua chun Pathien dit zâwng a ni si a.

2 THESSALONIKA 2:17

in lungrilhai chu sukthlamuongin, thil thaw ṭha le thu hril ṭha tinrêngin sukdet raw se.

HEBRAIHAI 1:5

Vântirko hai laia tu kuom am hi thu hi a hril hlak a? “Nang chu ka Naupa i nih, Vawisûn hin ka nei che a nih,” ti le, “A ta dingin Pa ning ka ta, Ama chu keia ta dingin Naupa ning a tih,” ti hi.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

1 PETER 2:5

ama kuoma chun hungin, nangni khawm lung hringhai angin thlarau tieng ina remin in um, Isu Krista zâra Pathien lâwm zâwng thlarau tieng inthâwina inhlân dinga, thiempu inthienghai in hung nina dingin.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 JOHAN 2:23

Tûkhawm Naupa awinaw chun Pa khawm a pawm chuong nawh; Naupa awitu ruok chun Pa khawm a pawm a nih.

1 JOHAN 3:18

Nauhai, thu chauin inhmangai nâwm ei niu, lei chauin inhmangai naw bawk ei tiu; thilthaw le titakzetin ni lem raw se.