KOLOSSA 3:16 - Pathien Lekhabu Inthieng (BSI)

¹⁶ Krista thu chu varna tinrêngin nangnia chun um ṭeu raw se; inpâkna hla dâm, Pathien hla dâm, thlarau tieng hla dâma inchûktirin inkâwk tuo unla, lungrila lâwmna neiin Pathien chu hla sakpêk ro.

KOLOSSA 3:16 ပူးပေါင်းရင်းမြစ်များ

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta si a.

1 CHANCHIN SUINA 25:7

Chun, anni le an unauhai Lalpa ta dinga hla sak dinga inchûktira uma, sak thiem tahai nizât chu za hni sâwmriet pariet an nih.

NEHEMIA 12:46

Tienlaia David le Asaph dam lai chun hlasak pâwl hotu an um hlak a, Pathien inpâkna hla le lâwmna hla an sak hlak a nih.

JOB LEKHABU (THE BOOK OF JOB) 23:12

A hmûrhaia inthawka thupêkhaia inthawk chun ka fe pêt ngai naw a, Ka fâk ding pawimaw nêka nasa lemin a baua thuhai chu ka sie khâwl lem a.

INPÂKNA HLABU 119:11

I chunga thil ka suksuol nawna dingin, I thu chu ka lungrilah kân khâwl khâwm a.

INPÂKNA HLABU 119:54

Ka khuol inzinna ina hin, I thuruothai chu ka hla a ni hlak.

INPÂKNA HLABU 138:1

I kuomah ka lungril po poin lâwmthu hril ka ta, Pathienhai hmaa chun nangma inpâkin hla sak ka tih.

INPÂKNA HLABU 28:7

Lalpa chu ka hrâtna le ka phaw a na, Ka lungril hin ama chu a ring a; chuongchun, sanin ka um a, Chuleiin, ka lungril hi nasatakin a hlim a, Ka hla chun ama inpâk ka tih.

INPÂKNA HLABU 32:7

Nang chu kân bîkhmangna hmun i na, nang chun lunginzîngnaa inthawk mi humhim i ta, Sanhimna hlahaiin mîn huolvêltir i tih.

INPÂKNA HLABU 71:23

Nangma inpâka hla ka sak pha chun ka hmûr hi hlim êm êm a ta, Ka hringna i întlan khawm hi hlim êm êm a tih.

THUVARHAI 14:8

Mi var varna chu a lampui hrietthiem chu a na, Mi invêt invêtna ruok chu khêlthu chu a nih.

THUVARHAI 18:1

Mi mâni insuktum chun, mâni nuom zâwng ngei chu a zawng a, Varna indik po po a sêlkal hlak.

HLAHAI HLA 1:1

Hlahai hla, Solomon ta chu.

ISAI 10:2

Pasiehai chu rorêlna fel inkhêltir ding le ka mihai laia pasiehai hmu thei ding âwm hrim hrim lâkpêk dinga, hmeithaihai chu an râllâk anga an um theina dingin le pa nei nawhai chu an thil lâkpêk anga an siem theina dinga thawtuhai chu.

ISAI 26:1

Chu nia chun Juda ramah hi hla hi sak an tih; “Khawpui dettak ei nei a, ama chun sandamna chu kul banghai le kulpuihai leh ruot a tih.

ISAI 30:29

Chun, zâna ruoiṭhe inthienga an ṭhe a, hla an sak angin hla sak in tih; Lalpa tlânga Israelhai Lungpui kuom tlung dinga theihle le an fe laia lungril hlimna an nei angin lungril hlimna khawm nei in tih.

ISAI 5:1

Ka idittak thu, a grêp huon chungchâng thu chu, ka idittak ta dingin hlain sak ka tih.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

MATTHAI 26:30

Chun, hla an sak zoin an suok a, Oliv tlânga chun an fe ta a.

LUKA 2:51

Chun, anni chu a zui thlâk a, Nazareth chu a hung tlung a, an thu zâwmin a um a. Chun, a nu chun chuong thil po po chu a lungrilah a vawng zing a.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:17

Chuongchun, ringna chu hrietna leiin a hung um hlak a; chun, hrietna chu Isu Krista leiin a hung um.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:14

Chun, ka unauhai, nangni chungthu chu, nangni ngei ṭhatnain in sip a, varna tinrêng in haua, in inkâwk tuo thei ti kei ngei khawmin indiktakin ka hriet.

1 KORINTH 14:15

Iengtin am ni tâng a ti leh? Thlarauin, ṭawngṭai ka ta, hriettheina khawmin ṭawngṭai bawk ka tih; thlarauin hla sak ka ta, hriettheina khawmin sak bawk ka tih.

1 KORINTH 14:26

Unauhai, iengtin am ni tâng a ta? In hung inkhâwmin inpâkna hla amanih, thu inchûktirna amanih, inhriettirna amanih, ṭawng hrietlo amanih, hrilfiena amanih in nei seng hlak. Iengkim siem ṭhatna dingin thaw ni raw se.

EPHESI 1:17

ei Lalpa Isu Krista Pathien, ropuina Pa chun, ama hrietna kawngah, varna le hriet chiengna thlarau a pêk theina ding cheuin.

EPHESI 5:17

Chuleichun, invêt nuom naw unla, Lalpa ditzâwng ieng am a na ti lo hre lem ro.

EPHESI 5:19

Inpâkna hlahai, Pathien hlahai, thlarau tieng hlahaia inbe tuoin, Lalpa chu in lungrilah hla sakpêkin, ṭingṭang kei pêk ro.

EPHESI 5:26

kohran chu tuia sâwpa, thu chun sukfaia ân thieng theina dingin;

KOLOSSA 1:28

Mi tin Kristaa chun ṭha famkima kan inngîrtir theina dingin, mi tin infuiin, mi tin varna tinrênga inchûktirin a chanchin kan hril hlak hi;

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

KOLOSSA 4:6

Mi tin iengtina dawn seng ding am a na ti in hriet theina dingin in ṭawng bausuok chu chia saw, lunginsietna ṭhang ni rawp raw se.

1 THESSALONIKA 1:8

Lalpa thu chu nangnia inthawkin ân thang suok ta si a; Makedonia le Akaia rama chau ni lovin, hmun tina khan Pathien tienga in ringzie chu ân thang ta a; chuongchun, keinîn iengkhawm hril hrim a ngai ta nawh.

1 THESSALONIKA 4:18

Chuleiin, hieng thu hin inthlamuon tuo ro.

2 THESSALONIKA 3:15

Nisienlakhawm, hmêlma ang chun ngai naw unla, unau angin kâwk lem ro. Lalpa chu in rênga kuomah um raw se.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

TITA 3:6

Chun, Thlarau Inthieng chu Isu Krista ei sandamtu zâra chun nasatakin ei chungah a buok kha.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

JAKOB 5:13

Nangni lai thil ṭha naw tuor an um am? Ṭawngṭai raw se. Hlim an um am? Inpâkna hla sak raw se.

1 JOHAN 2:14

Nauhai, Pa chu in hriet leiin in kuomah ka ziek a ni kha. Pahai, ama a tîra inthawka um zing chu in hriet leiin in kuomah ka ziek a ni kha. Ruoltharhai, in hrât a, Pathien thu nangniah a um zing a, mi suol chu in hne tâk leiin in kuomah ka ziek a ni kha.

1 JOHAN 2:24

Nangni chun chu, a tira inthawka in hriet kha, nangniah inumtir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

2 JOHAN 1:2

Thutak einia um zing, kumkhuo khawma ei kuoma um ding lei hin.

THUPUONGSUO 14:3

lalṭhungpha hmaa le, thilhring pali le upahai hmaa chun hla thar ni âwmtak hi an sak a; chun, hnuoia inthawka intlan tah, mi nuoi khat le sîng li le sâng li chau naw khan chu, tûkhawmin chu hla chu an inchûk thei nawh.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um ta a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,