KOLOSSA 3:15 - Pathien Lekhabu Inthieng (BSI)

¹⁵ Chun, Krista thlamuonna chun in lungrilah ro rêl raw se; chuong ang ni dingin taksa pumkhata ko in ni hrim in sawnnaw; lawm nachâng hre bawk ro.

KOLOSSA 3:15 ပူးပေါင်းရင်းမြစ်များ

INPÂKNA HLABU 100:4

Lâwmthu hril pumin a kawtkhâra chun lût unla, Inpâk pumin a biekin inhuonna sûng tuollaia chun lût ro; A kuomah lâwmthu hril unla, a hming chu inpâk ro.

INPÂKNA HLABU 107:22

Anni chun lâwmthu hrilna inthâwinahai chu inhlân hai sienla, A thilthawhai chu hlaa sakin hril raw hai se.

INPÂKNA HLABU 116:17

Lâwmthuhril inthawinahai chu inhlân ka ti che a, Lalpa hming chu ko ka tih.

INPÂKNA HLABU 29:11

Lalpa chun a mihai kuomah hrâtna pêng a ta, Lalpa chun a mihai chu thlamuongnain malsâwm a tih.

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 27:5

An naw vêk leh, keima le inremna dingin ka hrâtna hi chel raw se; anih, mîn rempui ro.”

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 57:19

Kei chun hmûrhai ra ka siem hlak a, ‘Inremna, inremna, hlataka um kuoma le hnaitaka um kuoma chun um raw se,’Lalpain a tih, ama chu sukdam ka tih.

JONA 2:9

Kei ruok chun lâwmthu hrilna râwl leh i kuomah inthâwina inhlân ka ta; Thu ka tiem ta chu hlen ka ta, Sandamna chu Lalpa ta a nih,” tiin.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi naw a, lâwmthu khawm an hril bawk si nawh. Teplo mei mei an ngaituo lem ta a, an lungril invêt chu a hung inthim ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:17

Pathien ram chu dâwn le fâk tieng thu a ni si naw a; felna dâm, inremna dâm, Thlarau Inthienga lâwmna dâm a ni lem ie.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:13

Thlarau Inthieng thilthawtheina zâra beiseina in hau theina dingin Beiseina Pathien chun ring leia lâwmna le inremna tinrêngin suksip raw se cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:1

Chuleiin, ringna leia thiem changa umin, ei Lalpa Isu Krista leiin Pathien le inremin ei um a;

1 KORINTH 10:17

Eini mi tamtak hi, bei tlang khat, taksa pumkhat ei ni hi; ei rêngin bei tlang khata inthawkin ei chang seng si a.

1 KORINTH 7:15

Nisienlakhawm, a awinaw lemin a ṭhe chun ṭhe el raw se, chuong anga chun chu unaupa amanih, farnu amanih hrên an ni ta nawh. Pathien ruok chun inremnaah a mi ko a nih.

2 KORINTH 4:15

Iengkim nangni ṭhatna ding a ni si a, lunginsietna chu mi tam lem zâra sukpunga umin, Pathien ropuina dinga lâwmthu nasatak ân hriltir theina dingin.

2 KORINTH 9:11

Tiktlaina tinrêng, keini leiin Pathien kuoma lâwmthu hrilna siemtu chu nei dinga iengkima sukhausakin um in tih.

EPHESI 4:16

Ama zârah taksa pumpui chun inzawmna tinrêng thaw leia inremtaka insuktuo le inzawm khâwmin, pêng tin sin thaw zie ang sengin, hmangainaa insiem ṭha dingin taksa chu a hung sukpung hlak a nih.

EPHESI 4:4

A ko san cheu beiseina hmunkhata ko in ni ang bawk khan, taksa pakhat le Thlarau pakhat chau a um a.

EPHESI 5:1

Chuongchun, a nau dittakhai angin Pathien umdân latuhai ni ro.

EPHESI 5:20

Ei Lalpa Isu Krista hmingin, Pathien, Pa ngei kuoma chun, iengkim chungah lâwmthu hril ro.

KOLOSSA 1:12

Pa, vara mi inthienghai ro chu inṭâwmpui tlâka mi hung siemtu, kuoma chun lâwmthu hril pei bawkin.

KOLOSSA 2:7

Amaa zung kei le, rem sâng deu deua umin, an inchûktir ang cheu khan, lâwmthu hrilna hauin, in ringnaa chun dettakin um ro.

KOLOSSA 3:17

Chun, in thaw taphawt chu, thu hril amanih, thil thaw amanih, ama zârah Pa Pathien kuomah lâwmthu hril pumin Lalpa Isu hmingin thaw vawng ro.

1 THESSALONIKA 5:18

iengkimah lâwmthu hril rawp ro; chu chu nangni tieng thuah Krista Isua chun Pathien dit zâwng a ni si a.

1 TIMOTHE 2:1

Chuongchun, a tîrtakin thil hni ṭawngṭaina dâm, ṭawngṭaina hrim hrim dam, ṭawngṭaipêkna dâm, lâwmthu hrilna dâm mi po po ta dinga siempêk dingin kân fui che:

1 TIMOTHE 6:12

Ringna inruolsiekna ṭha chu thaw la, chatuon hringna chu chel rawh; chu chu chang dinga ko i na, hretu tamtakhai mithmuah ṭanna ṭha chu i ṭan ta kha.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

THUPUONGSUO 7:12

“Amen, malsâwmna dâm, ropuina dâm, varna dâm, Lâwmthu hrilna dâm, chawimawina dâm, Thilthawtheina dâm, hrâtna dâm, Chatuonin ei Pathien kuomah um raw se, Amen” tiin Pathien chibai an bûk a.